चोरट्यांनी दहा घर फोडली, गावकरी हुशार असल्यामुळे चोरट्यांच्या हाती काहीचं लागले नाही, घाबरलेल्या गावकऱ्यांनी…
बुलढाणा जिल्ह्याच चोरीचे प्रमाण अधिक वाढले आहे. त्यामुळे गावातील लोकं सुध्दा घाबरले आहेत. काही तरुण गावांमध्ये रात्रभर जागरण करुण गस्त घालत आहेत.
गणेश सोळंकी, बुलडाणा : चावरा गावात (Chavara Village) चोरट्यांची मोठी दहशत निर्माण झाली आहे. गावकरी रात्रभर जागून चावरावासी गावात पहारा देत आहेत. त्याचबरोबर गावातील युवक सुध्दा रात्रभर जागरण करुण गस्त घालत असल्याचे पाहायला मिळत आहे. बुलडाणा जिल्ह्यात चोऱ्याचे प्रमाण दिवसेंदिवस वाढत चालले असून चोरांनी आता आपला मोर्चा ग्रामीण भागाकडे (buldhana crime news) वळविला आहे. काही दिवसांपासून चावरा गावात मध्यरात्रीच्या दरम्यान काही चोर गावात घुसत आहेत. काही ठिकाणी त्यांनी चोऱ्या देखील केल्या आहेत. त्यामुळे चावरावासी (buldhana breaking news) भयभीत झाले आहेत. संपूर्ण चावरा गाव दहशतीखाली आहे.
चोरट्यांचा स्वतःच बंदोबस्त करण्याचा निर्णय
त्यामुळे आता उपाय म्हणून गावातील युवक आपल्या गावात रात्रंदिवस जागता पाहता देताना दिसत आहेत. हातात लाठ्या काठ्या घेऊन हे युवक आपल्या गावाचे राखण करीत आहेत. चोरट्यांचा स्वतःच बंदोबस्त करण्याचा निर्णय गावकऱ्यांनी घेतला असून गावातील युवक चोरीच्या घटना होऊ नये, यासाठी झटत असल्याचं पाहायला मिळत आहे.
मेहकर पोलिसांच्या कार्यक्षमतेवर प्रश्नचिन्ह
मेहकर तालुक्यातील देऊळगाव माळी येथे काल एकाच रात्री तब्बल दहा घरी घरफोडी झाल्याची घटना घडली आहे. मात्र या चोरट्यांना खाली हात परतावं लागलं आहे. या घटनेमुळे देऊळगाव माळी ग्रामस्थांमध्ये भीतीचे वातावरण पसरलं असून मेहकर पोलिसांच्या कार्यक्षमतावर प्रश्नचिन्ह निर्माण झालं आहे. काल रात्री सुमारे दोन ते तीन वाजताच्या दरम्यान अज्ञात चोरट्यांनी बंद असलेल्या दहा घरावर दरोडा टाकला. पण, चोरट्यांना खाली हातानेच परतावे लागले. कारण त्यांच्या हातात काहीच लागले नाही. या घटनेची पोलिसांना माहिती मिळताच पंचनामा करून चोरट्यांचा तपास सुरू केला आहे.