12 ऊसतोड मजूर तब्बल दोन वर्ष बंधक, महिलेच्या चलाखीने सुटका, जालना ते सोलापूर थरार
बारा ऊस तोडणी मजुरांना तब्बल दोन वर्ष बंधक करुन ठेवल्याची धक्कादायक घटना उघडकीस आली आहे. Sugarcane cutting workers Jalana Solapur
जालना: ऊस तोडणी हंगाम सुरु झाला की मराठवाड्यातील जिल्ह्यातून ऊस तोडणी मजूर पश्चिम महाराष्ट्रात ऊस तोडणीच्या कामासाठी जातात. हंगाम संपल्यानंतर ते जिल्ह्यामध्ये परत येत असतात. हे नियमितपणानं सुरु असतं. मात्र, बारा ऊस तोडणी मजुरांना तब्बल दोन वर्ष बंधक करुन ठेवल्याची धक्कादायक घटना उघडकीस आली आहे. बारा पैकी तीन जण काही दिवसांपूर्वी तेथून पळून आले. त्यांनी आमदार कैलास गोरंट्याल यांना माहिती दिली. यानंतर जालना पोलिसांनी नऊ ऊस तोडणी कामगारांची तब्बल दोन वर्षानंतर सुटका केली आहे. हे प्रकरण आता सोलापूर पोलिसांकडे वर्ग करण्यात आलं असून त्यांच्याकडून या प्रकरणाचा तपास करण्यात येत आहे. (Jalana Police rescued Sugarcane cutting workers from Solapur Badhalewadi village Farm)
बारा ऊस तोडणी मजूर दोन वर्ष बंधक
ऊस तोडणी साठी गेल्यानंतर अडकून पडलेल्या मजुरांची जालना पोलिसांनी केली सुटका केलीय. त्यापूर्वी सोलापुर जिल्ह्यातील बाधलेवाडी येथून तीन ऊस तोडणी मजुरांनी येथुन पळ काढल्यानं हा प्रकार उघडकीस आला. जालना पोलिसांनी मजुरांची दोन वर्षांनी सुटका करण्यात यश मिळवलं.
शेतीच्या कामाल लावलं
ऊस तोडणीचे काम संपल्यानंतर या बारा मजुरांना एका शेतात दोन वर्षे बंधक करून शेतीचे काम करून घेण्यात येत होते. या मधील त्या ठिकाणी असलेली एक महिला, तिची आई आणि नऊ वर्षाचा मुलगा तेथून पळून जालन्यात आले. आणि हा सर्व प्रकार जालन्याचे आमदार कैलास गोरंटयाल यांना सांगितला.
आमदार कैलास गोरंटयाल यांचे प्रयत्न
सोलापूरमधून पळून आलेल्या ऊस तोडणी मजुरांनी आमदार कैलास गोरंटयाल यांची भेट त्यांच्याबाबत घडलेला प्रकार सांगतिला. यानंतर आमदार कैलास गोरंट्याल यांनी हा प्रकार जालना पोलिसांना सांगितला. जालना पोलिसांनी पथक पाठवून या सर्व मजुरांची सुटका केली. यानंतर त्या मजुरांना जालन्यात आणण्यात आले. सध्या या प्रकरणाचा तपास जालना पोलिसांनी सोलापूर पोलिसांकडे वर्ग केला आहे
योगगुरु रामदेव बाबांविरुद्ध गुन्हा दाखल करा, IMA आक्रमक https://t.co/hoV5Sgz4Gs @yogrishiramdev @PypAyurved @drharshvardhan @PMOIndia @narendramodi #RamdevBaba #IMA #IndianMedicalAssociation #yogaguru
— TV9 Marathi (@TV9Marathi) May 22, 2021
संबंधित बातम्या:
शरद पवार, रोहित पवारांवरील टीका भोवली, भाजप युवा मोर्चाचे प्रदीप गावडे सायबर पोलिसांच्या ताब्यात
(Jalana Police rescued Sugarcane cutting workers from Solapur Badhalewadi village Farm)