अल्पवयीन मुलीवर 38 जणांचा लैंगिक अत्याचार, 33 नराधमांना अटक, केरळमधील धक्कादायक प्रकार
निर्भया केंद्रात जेव्हा या मुलीचं काऊंसलिंग सेशन सुरु होतं, त्यादरम्यान तिने 38 जणांकडून लैंगिक अत्याचार झाल्याची माहिती दिली, असं पोलिसांनी सांगितलं.
तिरुवनंतपुरम : केरळमध्ये (Kerala) एका अल्पवयीन मुलीवर तब्बल 38 जणांनी लैंगिक अत्याचार (Sexual Harassment Of Minor Girl) केल्याचं धक्कादायक प्रकरण पुढे आलं आहे. येथील 17 वर्षीय अल्पवयीन (17 Years Minor Girl) मुलीवर एक दोन नव्हे तर तब्बल 38 जणांनी ( 38 Men) लैंगिक अत्याचार केला. पीडितेने दिलेल्या माहितीनुसार, गेल्या काही महिन्यात तिच्यासोबत हे घडलं (Sexual Harassment Of Minor Girl).
निर्भया केंद्रात (Nirbhaya Centre) जेव्हा या मुलीचं काऊंसलिंग सेशन (Counselling Session) सुरु होतं, त्यादरम्यान तिने 38 जणांकडून लैंगिक अत्याचार झाल्याची माहिती दिली, असं पोलिसांनी सांगितलं.
2016 पहिल्यांदा लैंगिक अत्याचार झाला
मिळालेल्या माहितीनुसार, पीडितेसोबत लैंगिक अत्याचाराची पहिली घटना ही 2016 मध्ये झाली होती. तेव्हा ती फक्त 13 वर्षांची होती. त्यानंतर एका वर्षानंतर पुन्हा तिच्यासोबत हे राक्षसी कृत्य घडलं. दुसऱ्या घटनेनंतर तिला बाल गृहात पाठवण्यात आलं. त्यामनंतर जवळपास वर्षभरानंतर तिला तिच्या आई आणि भावासोबत राहण्याची परवानगी देण्यात आली.
काऊंसलिंग सेशनदरम्यान हकीगत पुढे आली
सर्किल पोलीस निरिक्षक मोहम्मद हनिफा यांनी सांगितलं, “बाल गृहातून निघाल्यानंतर पीडिता काही काळापर्यंत बेपत्ता होती. गेल्या डिसेंबरमध्ये ती पलक्कडमध्ये असल्याची माहिती मिळाली. तेथून तिला निर्भया केंद्रात आणण्यात आलं”. काऊंसलिंग सेशन दरम्यान पीडितेने निर्भया सेंटरमध्ये तिच्यासोबत झालेल्या लैंगिक अत्याचार आणि छेडछाडीच्या घटनेची माहिती दिली, असंही पोलीस निरिक्षकांनी सांगितलं.
33 जणांना अटक
38 नराधमांविरोधात लैंगिक शोषणासह अनेक गुन्हे दाखल करण्यात आले आहेत. तर यापैकी 33 आरोपींना अटकही करण्यात आली आहे. सध्या अटकेत असलेले सर्व आरोपी न्यायालयीन कोठडीत आहेत. ‘समितीने वर्षभरापूर्वी अल्पवयीन मुलीला बाहेर पाठवण्यापूर्वी सर्व कायदे आणि सुरक्षा नियमांचं पालन करत निर्णय घेतला होता’, अशी माहिती मलाप्पुरम बाल कल्याण समितीचे अध्यक्ष शाजेश भास्कर यांनी दिली.
धक्कादायक! भोंदूबाबाकडून एका कुटुंबातील 4 महिलांवर अत्याचार, पोलिसांनी ठोकल्या बेड्याhttps://t.co/eqTavmmqiO#nagpur |#nagpurpolice | #womanharrasment | @NagpurPolice
— TV9 Marathi (@TV9Marathi) January 19, 2021
Sexual Harassment Of Minor Girl
संबंधित बातम्या :
बाप, लखनौमधून लेकी पाठोपाठ नागपुरात आला, सासरच्यांनी काटा काढला!
पत्नी सासरी परतली नाही म्हणून पतीचं टोकाचं पाऊल, संपूर्ण कुटुंबाला जिवंत पेटवलं
प्रेमविवाहासाठी घरातून पोबारा, पालघरमध्ये प्रियकराने प्रेयसीला भिंतीत गाडलं
गर्लफ्रेंडला इम्प्रेस करण्यासाठी चक्क मोबाईलची चोरी, पिंपरीतील धक्कादायक प्रकार