कंटेनर गेटला घासत नाही ना? ड्रायव्हर उतरताच गाडी अचानक पुढे, गेटमध्ये अडकून जागीच मृत्यू

गेट आणि कंटेनरमध्ये अडकून चालकाचा मृत्यू

रायगड : काळ कधी, कसा, कुठे घाव घालेल, याचा नेम नाही. याचा प्रत्यय देणारी धक्कादायक घटना रायगड जिल्ह्यातून समोर आली आहे. गेट आणि गाडीमध्ये अडकून कंटेनर चालकाचा मृत्यू (Container Driver Death) झाल्याचा दुर्दैवी प्रकार उघडकीस आला आहे. आपली गाडी गेटला घासत नाही ना, याचा अंदाज घेण्याचा प्रयत्न ड्रायव्हर मोहम्मद करत होता. त्यासाठी कंटेनर न्यूट्रलला टाकून तो खाली उतरला. मात्र याच वेळी गाडी अचानक पुढे गेली (Accident) आणि होत्याचं नव्हतं झालं. रायगड जिल्ह्यात खालापूर तालुक्यातील (Khalapur Raigad) वावोशी जवळील हुतामाकी कंपनीमध्ये हा प्रकार घडला. या घटनेमुळे मोहम्मदच्या कुटुंबीयांवर दुःखाचा डोंगर कोसळला आहे. या घटनेनंतर सर्वत्र एकच हळहळ व्यक्त केली जात आहे.

नेमकं काय घडलं?

गेट आणि गाडीमध्ये अडकून कंटेनर चालकाचा मृत्यू झाल्याची घटना उघडकीस आली आहे. खालापूर तालुक्यातील वावोशी जवळील हुतामाकी कंपनीमध्ये हा प्रकार घडला. कंटेनरचा ड्रायव्हर आपली गाडी गेटला घासत नाही ना? याचा अंदाज घेण्यासाठी न्यूट्रल करुन खाली उतरला.

चालक उतरताच गाडी सरकली

चालक उतरल्यानंतर गाडी अचानक पुढे गेली. त्यामुळे मोहम्मद गेट आणि गाडी यांच्या दरम्यान अडकला. यामध्ये दुर्दैवाने त्याचा जागीच करुण अंत झाला. ही घटना आज (बुधवारी) सकाळी सव्वा आठ वाजताच्या सुमारास घडली. या घटनेनंतर सर्वत्र एकच हळहळ व्यक्त केली जात आहे.

संबंधित बातम्या :

ज्या अपघातात अभिनेता दीप सिद्धूचा अंत झाला, त्या गाडीची अवस्था दाखवणारा व्हिडीओ पाहा

कार अपघातात जागीच चार जण ठार; वाशिम-शेलुबाजार मार्गावर अपघात, लग्न आटोपून परतताना कारची ट्रॅक्टरला धडक

पुणे-मुंबई एक्स्प्रेस वेवर सात गाड्यांचा विचित्र अपघात, दोन ट्रकमध्ये चिरडलेल्या कारमधील चौघे जागीच ठार