Pandharpur Accident | पंढरपूरला निघालेली भक्तांची गाडी उलटली, तळेगावचे 19 भाविक जखमी

पुण्यातील भाविकांची पिक अप गाडी पंढरपूरजवळ उलटली

Image Credit source: टीव्ही9

पंढरपूर : विठ्ठल रुक्मिणीच्या दर्शनाला निघालेल्या भाविकांच्या गाडीला अपघात (Pick Up Vehicle Accident) झाला. पुण्याहून निघालेल्या भक्तांची गाडी अपघातग्रस्त झाली. पिक-अप वाहन रस्त्यात उलटून हा भीषण अपघात झाला. यामध्ये 19 प्रवासी जखमी झाल्याची माहिती समोर आली आहे. सोलापूर जिल्ह्यात वेळापूर-पंढरपूर रस्त्यावर (Pandharpur Solapur Accident) ही घटना घडली आहे. चैत्र वारीच्या निमित्ताने पंढरपुरात श्री विठ्ठल रुक्मिणी मातेच्या (Vitthal Rukmini) दर्शनासाठी येत असलेल्या भाविकांच्या वाहनाला अपघात झाला. सोमवारी सकाळच्या सुमारास हा प्रकार घडल्याची माहिती आहे. सुदैवाने या अपघातात कुठलीही जीवितहानी झाली नाही.

नेमकं काय घडलं?

विठ्ठल रुक्मिणीच्या दर्शनासाठी निघालेल्या भाविकांच्या गाडीला सोलापुरात अपघात झाला. पुणे जिल्ह्यातील तळेगाव दाभाडे येथील 19 भाविक चैत्र वारीच्या निमित्ताने पंढरपुरात श्री विठ्ठल रुक्मिणी मातेच्या दर्शनासाठी निघाले होते. यावेळी पिकअप वाहन उलटून अपघात झाला.

गाडी चालकाला वाहन नियंत्रित करता न आल्यामुळे हा अपघात झाल्याची माहिती आहे. वेळापूर पंढरपूर रोडवरील पिराचि कुरोलि गावाजवळ हा अपघात झाला.

19 भाविक जखमी

पिक अप गाडी पलटी झाल्यामुळे 11 भाविक किरकोळ जखमी झाले, तर आठ भाविकांना गंभीर जखमा झाल्या आहेत. त्यांना पुढील उपचारासाठी सोलापूरला हलवण्यात आले असल्याची प्राथमिक माहिती मिळत आहे . सुदैवाने या अपघातात कुठलीही जीवितहानी झाली नाही.

संबंधित बातम्या :

Nashik VIDEO | चालत्या गाडीखाली साधू महाराज सापडले, बघ्यांच्या काळजाचा ठोका चुकला, पण नंतर…

Washim Accident : वाशिम अनियंत्रित कार झाडावर आदळली, अपघातात एक जण ठार तर एक गंभीर जखमी

BEST Bus Accident | बेस्ट बसची धडक, मुंबईत 29 वर्षीय बाईकस्वाराचा मृत्यू