विवाहित महिला प्रियकरासोबत पळाली, महिनाभर सोबत राहिली, अचानक रात्री दोघांचाही गळफास!
बुलडाण्याची जिल्ह्यातील विवाहित महिला प्रियकरासोबत पळाली. त्याच्यासोबत एक महिना राहिलीही पण दोघांमध्ये मधल्या काही दिवसांत काय झालं माहिती नाही, अचानक राहत्या घरी दोघांनीही गळफास घेऊन आपलं जीवन संपवलं.
बुलडाणा : बुलडाण्याची जिल्ह्यातील विवाहित महिला प्रियकरासोबत पळाली. त्याच्यासोबत एक महिना राहिलीही पण दोघांमध्ये मधल्या काही दिवसांत काय झालं माहिती नाही, अचानक राहत्या घरी दोघांनीही गळफास घेऊन आपलं जीवन संपवलं.
नेमकं काय घडलं?
बुलडाणा जिल्ह्याच्या मलकापूर तालुक्यातील देवधाबा येथील 24 वर्षीय विवाहिता शीतल सपकाळ ही पती आणि पोटच्या दोन मुलांना सोडून गावातीलच तिच्या प्रियकरासोबत महिनाभरापूर्वी पळून गेली होती.
देवधाबा येथून दोघेही पळून गेल्यावर मुंबईमधील भांडुपच्या रामनगर परिसरात भाड्याने घर घेऊन पती-पत्नी म्हणून दोघे एकत्र राहत होते. मात्र 21 ऑक्टोबरला दोघांनी राहत्या घरातच गळफास घेऊन जीवनयात्रा संपविली. यामुळे गावात एकच खळबळ उडाली.
मृतक विवाहिता शीतल हिला चार आणि सहा वर्षाची दोन मुले असून दोघांनाही सोडून गेली होती. तर शीतल हरवल्याची तक्रार मलकापूर पोलीस स्टेशनला देण्यात आलेली होती, पोलिसांनीही शोध घेतला होता. पण त्यांचा पत्ता कळाला नव्हता.
अखेर 21 ऑक्टोबर दिवशी दोघांनीही गळफास घेतल्याची बातमी आली अन् गावात स्मशान शांतता पसरली. एकतर विवाहित शीतल नवऱ्याला आणि पोटच्या दोन मुलांना सोडून प्रियकराकडे निघून गेली. बरं एक महिन्याच्या आत असं काय घडलं, की दोघांनीही गळफास घेऊन आपलंल जीवन संपवलं, याचा विचार गावातील नागरिक करत राहिले.
मध्य प्रदेश : चेटकीणीच्या संशयावरुन काकुची हत्या, तलवारीने गळा चिरलाhttps://t.co/wDaNqEIHfo#MadhyaPradeshCrime #CrimeNews #Murder
— TV9 Marathi (@TV9Marathi) October 23, 2021
हे ही वाचा :
आई-बाबांचा रोष पत्कारत लव्हमॅरेज केलं, पण लग्नानंतर तरुणीची अवघ्या 20 दिवसांत आत्महत्या
ही तर सैतानाचा अवतार, नग्न करुन महिलेचा बळी देण्याचा प्रयत्न, रडण्याच्या आवाजाने शेजाऱ्यांचा थरकाप