अंबरनाथमध्ये रेशनिंग विभागाचे दोन क्लार्क एसीबीच्या जाळ्यात, दीड हजारांची लाच घेताना रंगेहाथ

अंबरनाथमध्ये लाच प्रकरणी दोघे अटकेत

अंबरनाथ : अंबरनाथमध्ये रेशनिंग विभागाचे दोन क्लार्क अँटी करप्शन विभागाच्या जाळ्यात अडकले आहेत. डुप्लिकेट रेशनकार्ड आणि ऑनलाईन नोंदणी यासाठी प्रत्येक कार्डामागे पाचशे रुपयांची लाच घेताना या दोन क्लार्कना ठाणे लाचलुचपत प्रतिबंधक विभागाने रंगेहाथ बेड्या ठोकल्या. (Ambernath ACB arrested two clerk in Rationing Department red handed while receiving bribe)

नेमकं काय घडलं?

अंबरनाथ शहरातील रेशनिंग ऑफिसमध्ये नेहमीच भ्रष्टाचाराच्या तक्रारी येत असतात. कुठल्याही लहान मोठ्या कामासाठी पैसे मागितले जात असल्याच्या तक्रारी अनेकांनी केल्या होत्या. त्यातच जावसई भागात राहणारे शिवसेनेचे शाखाप्रमुख राजू सोमा यांनी त्यांच्या भागातील दोन जणांचे फाटलेले रेशनकार्ड नव्याने तयार करण्यासाठी, तर एक रेशनकार्ड ऑनलाईन नोंदणी करण्यासाठी दिले होते.

शिवसेना शाखाप्रमुखाची तक्रार

या प्रत्येक कार्डासाठी 500 रुपये या प्रमाणे 1 हजार 500 रुपयांची लाच मागण्यात आली होती. खिडकी क्रमांक दोनवरील क्लार्क प्रताप ब्रह्मनाद आणि खिडकी क्रमांक तीनवरील क्लार्क सुनीता हिंदळे यांनी ही लाच मागितली होती. त्यामुळे राजू सोमा यांनी याबाबत ठाणे अँटी करप्शन विभागाकडे तक्रार केली.

सापळा रचून रंगेहाथ अटक

त्यानुसार गुरुवारी सापळा रचून एसीबीने या दोघांनाही लाच घेताना रंगेहाथ अटक केली. यानंतर आता तरी अंबरनाथच्या रेशनिंग ऑफिसमधल्या भ्रष्टाचाराला आळा बसेल, अशी अपेक्षा व्यक्त होत आहे.

संबंधित बातम्या : 

पुण्यातील शिवाजीराव भोसले सहकारी बँकेतील कर्ज प्रकरण, तीन तत्कालीन अधिकाऱ्यांना अटक

मैत्रिणीला भेटायला आला आणि अडकला, गँगस्टर सोनू पठाणला अटक, समीर वानखेडेंच्या पथकाची कारवाई

(Ambernath ACB arrested two clerk in Rationing Department red handed while receiving bribe)