मुस्लीम युवतीला आवडला हिंदू धर्म, प्रियकरासोबत मुस्लीम पतीला सोडून झारखंडवरून आली बिहारला

राम कुमार आणि मुस्कानची अनोखी प्रेमकहाणी

भागलपूर – एका मुस्लीम युवतीनं हिंदू धर्माच्या युवकासोबत लग्न केलं. ही मुस्लीम युवती झारखंड जिल्ह्यातील मेहरमा ठाकूरगगंटी भागातील सीआरडीह येथील रहिवासी आहे. मेहरमा कसबा येथील एका हिंदू युवकासोबत लग्न केलं. या युवतीनं लग्न दोन वर्षांपूर्वीच मुस्लीम युवकासोबत केलं होतं. परंतु, ती हिंदू युवकाच्या प्रेमात पडली होती. घरच्यांनी तीचं लग्न जातीतील युवकासोबत लावून दिलं होतं. पण, लग्नानंतरही युवतीला तिचा हिंदू प्रियकरचं आवडत होता.

हिंदू युवकही तिच्याशिवाय राहू शकत नव्हता. दोन दिवसांपूर्वी त्यांनी झारखंडमधून पळ काढत बिहार गाठलं. मुस्लीम युवतीनं हिंदू धर्मीय युवकासोबत लग्न केलं. या तिच्या लग्नाचा व्हिडीओ व्हायरल झाला. पहिल्यांदा तीनं हिंदू धर्माचा स्वीकार केला. त्यानंतर त्यांनी हिंदू पद्धतीनं लग्न केलं.

राम कुमार आणि मुस्कान यांची प्रेमकहाणी चर्चेत आली. दोघेही घरून निघाले. दोघेही गोड्डा न्यायालयात पोहचून वकिलाला भेटले. युवतीच्या कुटुंबीयांनी न्यायालय परिसरात युवतीला मारहाण केली. पोलिसांनी परिस्थिती नियंत्रणात आणली. पोलिसांनी युवतीला सुरक्षा पुरविली. युवती म्हणाली मी माझ्या मर्जीनं लग्न करत आहे.

मुस्काननं आपल्या प्रियकरासोबत भागलपूरच्या पीरपती येथील एका मंदिरात हिंदू धर्म स्वीकारून लग्न केलं. तीनं सांगितलं की, माझ्या कुटुंबीयांनी मला जीवे मारण्याची धमकी दिली आहे. त्यानंतर युवतीला सुरक्षा पुरविण्यात आली.

युवतीचे कुटुंबीय तिला धमकी देत होते. पण, ती त्यांना घाबरली नाही. मुस्कान म्हणाली, मी हिंदू धर्मात आल्यानं खूश आहे. आता ती हिंदू धर्मालाच आपलं माननार. आपल्या हिंदू पतीसोबत राहील.

राम कुमार म्हणाला, आम्ही दोघेही एकदुसऱ्यासोबत प्रेम करत होतो. पण, मुस्कानचं लग्न तिच्या कुटुंबीयांनी तिच्या मर्जीविरोधात लावून दिलं होतं. मुस्कान त्याच्याकडं खूश नव्हती. त्यामुळं त्यांनी एकत्र येण्याचा निर्णय घेतला.