इचलकरंजीमध्ये मटक्याच्या अड्ड्यांवर छापे, 76 हजार रुपयांसह 6 मोबाईल जप्त

कोल्हापूर : इचलकरंजी येथे दोन ठिकाणी सुरु असलेल्या मटक्याच्या अड्ड्यांवर छापा टाकण्यात आला आहे. या छाप्यात एकूण 76 हजार रुपयांसह 6 मोबाईल जप्त करण्यात आले आहेत. तसेच, यावेळी एकूण 3 आरोपींना पोलिसांनी ताब्यात घेतले आहे. (police raid on Matka bases in Ichalkaranji 3 has been arrested)

मिळालेल्या माहितीनुसार, इचलकरंजी शहरात मागील काही दिवसांपासून अवैध धंदे जोमात सुरु आहेत. ही बाब लक्षात आल्यानंतर पोलीस अधीक्षक बी. बी. महामुनी यांनी कारवाई करण्याचे ठरवले. दरम्यान, आसरा नगर येथील निशिगंध कॉलनीमधील सुभाष अग्रवाल यांच्या घरी मटका खेळला जात असल्याचे पोलिसांना समजले. ही माहिती समजताच बी. बी. महामुनी यांनी कारवाई करण्याचे ठरवले. त्यासाठी त्यांनी सापळ रचत सुभाष अग्रवाल यांच्या घरावर छापा टाकला.

कारवाईत 75 हजारांची रोकड जप्त

या कारवाईत सुभाष अग्रवाल यांच्या घरी सुरु असलेल्या मटक्याच्या अड्ड्यावर तब्बल 75 हजारांची रोकड मिळाली. तसेच, या ठिकाणाहून 6 मोबाईल जप्त करण्यात आले. दरम्यान, शहरात एकूण दोन ठिकाणी छापा टाकण्यात आला. यावेळी सुभाष अग्रवाल (70), प्रसाद निंबाळकर (24), विनायक घट्टे या तिघांना ताब्यात घेतले आहे. तसेच, त्यांच्याविरोधात गावभाग पोलीस ठाण्यात गुन्हा दाखल करण्यात आला आहे.

याआधीही शरहात मटका तसेच इतर अवैध धंदे जोमात सुरु होते. मागील वर्षी राकेश अग्रवाल आणि मनीष अग्रवाल यांच्याकडून जालवल्या जाणाऱ्या मटक्याच्या अड्ड्यावर पोलिसांनी छापा टाकला होता. हे दोन्ही आरोपींवर मोक्का अंतर्गत कारवाई करण्यात आली होती. त्यांनतर इचलकरंजी येथे करण्यात आलेली ही दुसरी दुसरी मोठी कारवाई आहे.

संबंधित बातम्या :

प्रेमाचं प्रतिक असलेलं ताजमहल बघायचंय म्हणत पत्नीनं फसवलं, प्रियकरासोबत कट रचून निघृण हत्या

बेपत्ता महिलेचा तीन वर्षांनी शोध, शिर्डीतून महिला गायब का होतात?

अंडी उधार न दिल्याच्या रागातून दुकानदाराचा निर्घृण खून, साताऱ्यातील धक्कादायक घटना

(police raid on Matka bases in Ichalkaranji 3 has been arrested)