नवी मुंबईच्या डेंटल कॉलेजमध्ये रॅगिंगचा भयानक प्रकार; पँटमध्येच…
नवी मुंबईतील कामोठे येथील एका डेंटल कॉलेजमध्ये हा धक्कादायक प्रकार घडला आहे. चार सिनियर विद्यार्थ्यांवर ज्युनिअरची रॅगिंग केल्याप्रकरणी गुन्हा दाखल करण्यात आला आहे. महाविद्यालयाने या चारही विद्यार्थ्यांना निलंबित केले आहे.
पनवेल : कॉलेजमध्ये घडणारे रँगिंगचे(ragging) प्रकार रोखण्यासाठी कडक कायदे करण्यात आले आहेत. मात्र, असे असताना नवी मुंबईतील एका प्रसिद्ध डेंटल कॉलेजमध्ये( Dental College) रॅगिंग चा भयानक प्रकार घडला आहे. या घटनेमुळे एकच उडाली आहे. रँगिंग करणाऱ्यांविरोधात गुन्हा दाखल करण्यात आला आहे.
नवी मुंबईतील कामोठे येथील एका डेंटल कॉलेजमध्ये हा धक्कादायक प्रकार घडला आहे. चार सिनियर विद्यार्थ्यांवर ज्युनिअरची रॅगिंग केल्याप्रकरणी गुन्हा दाखल करण्यात आला आहे. महाविद्यालयाने या चारही विद्यार्थ्यांना निलंबित केले आहे.
कॉलेजनेच याप्रकरणी पोलिस ठाण्यात तक्रार नोंदवली. या चार विद्यार्थ्यांनी एका 19 वर्षीय विद्यार्थ्याला दारू पिण्यासाठी भाग पाडले आणि त्याला पँटमध्ये लघवी करण्याचा आग्रह धरला.
ही घटना जुलैमध्ये घडली होती. परंतु पीडित मुलाने आता आपल्यासोबत झालेल्या छळाची माहिती पालकांना दिली. यानंतर हा सर्व प्रकार उघडकीस आला.
पदवी अभ्यासक्रमाच्या पहिल्या वर्षात शिकत असलेला हा पिडित विद्यार्थी कामोठे येथे आपल्या 3 साथीदारांसह राहत होता. याच ठिकाणी दुसऱ्या फ्लॅटवर तीसऱ्या वर्षात शिकत असेलेले विद्यार्थि राहत होते.
हे चार सिनीयर विद्यार्थी आणि त्याच्या साथीदारांना पिडित विद्यार्थ्याला दारू पिण्यास भाग पाडले. यावेळी पीडित तरुणाला लघवीला आली असता रॅगिंग करणाऱ्यांनी त्याला लघवी करण्यापासून रोखले. त्याला अधिक पाणी पिऊन लघवी रोखून धरण्यास सांगितले. त्यानंतर रॅगिंग करणाऱ्यांनी पिडित मुलाला पँटमध्येच लघवी करण्याचा आग्रह धरला.
कॉलेजच्या अँटी रॅगिंग समितीच्या एका प्राध्यापकाने तक्रार केली. या नंतर कामोठे पोलिसांनी चार विद्यार्थ्यांवर रॅगिंग केल्याप्रकरणी गुन्हा दाखल केला असल्याची माहिती पोलीस उपायुक्त शिवराज पाटील यांनी दिली आहे.
