कर्नाटकातही ‘श्रद्धा’कांड, आधी वडिलांची हत्या केली मग 30 तुकडे केले !
सुरवातीला पोलीस चौकशीत विठ्ठल आपण निर्दोष असल्याचे पोलिसांना सांगत होता. मात्र पोलिसी खाक्या दाखवताच त्याने आपल्या गुन्ह्याची कबुली दिली. यानंतर पोलिसांनी परशुरामचा मृतदेह टाकलेल्या ठिकाणी खोदकाम करुन मृतदेह ताब्यात घेतला.
बागलकोट : ‘श्रद्धाकांड’ने देशभर खळबळ माजवली असतानाच आता कर्नाटकात असेच एक हत्याकांड उघडकीस आले आहे. वडिलांची हत्या करुन मृतदेहाचे 30 तुकडे केल्याची घटना कर्नाटकातील बागलकोट जिल्ह्यात घडली आहे. मृतदेहाचे हे तुकडे मुलाने बोअरवेलच्या खड्ड्यात फेकले. या घटनेमुळे परिसरात चांगलीच खळबळ उडाली आहे. पोलिसांनी आरोपी मुलाला ताब्यात घेतले आहे. आरोपीची चौकशी सुरु आहे. विठ्ठल असे 20 वर्षीय आरोपी मुलाचे नाव आहे.
दारुच्या मारहाण करायचा पिता
मयत परशुराम याला दारुचे व्यसन होते. दारुच्या नशेत तो नेहमी मुलाला मारहाण करायचा. नेहमीप्रमाणे 6 डिसेंबर रोजी परशुराम दारुच्या नशेत घरी आला. घरी आल्यानंतर तो विठ्ठलला मारहाण करु लागला.
मारहाणीला कंटाळून केलेल्या मारहाणीत वडिलांचा मृत्यू
वडिलांच्या मारहाणीमुळे संतापलेल्या विठ्ठलने वडिलांना रॉडने मारहाण केली. या मारहाणीत परशुरामचा मृत्यू झाला. वडिलांच्या मृत्यूनंतर विठ्ठल घाबरला. त्यानंतर त्याने मृतदेह शेतातील बोअरवेलमध्ये टाकण्याचा प्रयत्न केला. मात्र मृतदेह बोअरवेलमध्ये ढकलू शकलना नाही.
हत्येनंतर मृतदेहाचे 30 तुकडे केले
मग विठ्ठल आयडिया सुचली. त्याने धारदार हत्यार आणले आणि परशुरामच्या मृतदेहाचे तुकडे केले. मोठ्या मुश्किलीने त्याने वडिलांच्या मृतदेहाचे 30 तुकडे केले. मग मृतदेहाचे तुकडे शेतातील बोअरवेलमध्ये फेकले.
मृतदेहाची विल्हेवाट लावल्यानंतर विठ्ठलने काही वेळ आराम केला आणि त्यानंतर फरार झाला. त्यानंतर शनिवारी तो घरी परतला. घरच्यांनी त्याच्याकडे वडिलांची चौकशी केली असता त्याने आपल्याला माहित नसल्याचे सांगितले.
परशुराम गायब असल्याने कुटुंबीयांनी पोलिसात तक्रार केली
घरच्यांनी पोलिसांना परशुराम गायब असल्याची माहिती दिली. यानंतर पोलिसांनी परशुरामचा शोध सुरु केला. मात्र त्याचा कुठेच पत्ता लागत नव्हता. तपासादरम्यान पोलिसांना परशुरामचा मुलगा विठ्ठलवर संशय येऊ लागला. यामुळे पोलिसांनी सोमवारी विठ्ठलला चौकशीसाठी ताब्यात घेतले.
पोलिसी खाक्या दाखवताच आरोपीकडून गुन्ह्याची कबुली
सुरवातीला पोलीस चौकशीत विठ्ठल आपण निर्दोष असल्याचे पोलिसांना सांगत होता. मात्र पोलिसी खाक्या दाखवताच त्याने आपल्या गुन्ह्याची कबुली दिली. यानंतर पोलिसांनी परशुरामचा मृतदेह टाकलेल्या ठिकाणी खोदकाम करुन मृतदेह ताब्यात घेतला. यानंतर पोलिसांनी तात्काळ विठ्ठलला अटक केली.
