Marathi News Crime Thief in shirdi has been arrested who wears saree while theft

चोरी करताना तो घालायचा साडी; तरीही 24 तासात पोलिसांनी मुसक्या आवळल्या

prajwal dhage | Updated on: Mar 13, 2021 | 6:44 PM

गेल्या सहा महिन्यांपासून कोपरगावातील एकाच परिसरात चोऱ्या करणारा शातीर चोर अखेर शहर पोलिसांच्या जाळ्यात अडकलाय.

चोरी करताना तो घालायचा साडी; तरीही 24 तासात पोलिसांनी मुसक्या आवळल्या

अशा प्रकारे जाळीवर चढून चोरटा चोरी करायचा.

शिर्डी : गेल्या सहा महिन्यांपासून कोपरगावातील (Kpargaon) एकाच परिसरात चोऱ्या करणारा शातीर चोर अखेर शहर पोलिसांच्या जाळ्यात अडकलाय. सीसीटीव्हीमध्ये कैद होऊ नये म्हणून हा चोर चोरी करताना चक्क साडी घालायचा. मात्र कोपरगाव पोलिसांनी मोठ्या शिताफीने तपास करत या आरोपीला 24 तासांत बेड्या ठोकल्या. हा चोर मूळचा जळगाव जिल्हयातील शिवाजीनगर येथील असून संजय पाटील असं त्याचं नाव आहे. (thief in shirdi has been arrested who wears saree while theft)

साडी घालून करायचा चोरी

मागील काही दिवसांपासून कोपरगाव शहरातील ठराविक परिसरात चोरींच्या घटनांमध्ये वाढ झाली होती. दुकानातील रोख रक्कम तसेच साहित्यांची चोरी करणारा भामटा पोलिसांना आव्हान देत होता. हा चोर साडीच्या दुकानातून साडी अंगावर पांघरून चोरी करत होता. दुकानात प्रवेश करण्यासाठी त्याला उंच जाळ्यांवर सहज चढण्याची कला अवगत केली होती. तसेच चक्क साडी अंगावर पांघरून तो चोरी करत होता.

पोलिसी खाक्या दाखवताच चोरीची कबुली

कोपरगाव भागात चोरीचे प्रकार वाढल्यामुले पोलीस चोराच्या मागावर होते. चंद्रहास या पैठणीच्या दुकानात चोरी करताना हा चोर सिसीटीव्हीत कैद झाला. मात्र साडी अंगावर असल्यामुळे त्याची ओळख पटणे अवघड झाले होते. मात्र,सीसीटीव्ही फुटेजची मदत घेत पोलिसांनी उंची तसेच शरीराच्या हालचालीवरुन संशयित म्हणून आरोपीला ताब्यात घेतले. त्यानंतर पोलिसी खाक्या दाखवल्यानंतर आरोपी संजय पाटील यांने चोरीची कबुली दिली. आरोपीने गुन्हा मान्य केल्यानंतर पोलिसांनी त्याच्याकडून चोरी करण्याच्या पद्धतीची कवायत करवून घेतली

दरम्यान, चोरीचे प्रमाण वाढल्यामुळे कोपरगाव परिसरातील अशोका हॉटेलजवळचे सर्व व्यापारी त्रस्त झाले होते. मात्र शहर पोलिसांनी मोठ्या शिताफीने चोराच्या मुसक्या आवळल्याने व्यापाऱ्यांनी तसेच शहरातील नागरिकांनी पोलीस निरीक्षक वासुदेव देसले आणि तसेच त्यांच्या सहकाऱ्यांचे आभार व्यक्त केले.