ब्लॅकमेलिंगला कंटाळून विद्यार्थिनीची आत्महत्या, नंतरही टवाळखोरांकडून अश्लील व्हिडीओ शेअर
विद्यार्थिनीने आत्महत्या केल्यानंतरही आरोपी तिचा व्हिडीओ व्हायरल करत होता. मुलीच्या कुटुंबीयांच्या तक्रारीवरुन पोलिसांनी एफआयआर नोंदवून दोन्ही आरोपींना अटक केली.
लखनऊ : उत्तर प्रदेशातील (Uttar Pradesh Crime News) कानपूरमध्ये विनयभंग आणि ब्लॅकमेलिंगची (Molestation and Blackmailing) लाजिरवाणी घटना समोर आली आहे. एका विद्यार्थिनीने दोन तरुणांच्या त्रासाला कंटाळून जीव दिला. मात्र त्यानंतरही आरोपी तिचे अश्लील छायाचित्र व्हॉट्सअॅपवर शेअर करून बदनामी करत होते. ही घटना कानपूरच्या ग्वालटोली पोलीस स्टेशन परिसरातील आहे. अटक केलेल्या दोन्ही आरोपींनी आधी एका 18 वर्षीय विद्यार्थिनीला प्रेमाच्या जाळ्यात अडकवले आणि नंतर तिचा मेसेज आणि व्हिडीओ बनवून तिला ब्लॅकमेल केले. यानंतर बदनामीच्या भीतीने विद्यार्थिनीने 8 मे रोजी आत्महत्या (Student Suicide) केली.
काय आहे प्रकरण?
आता पोलिसांनी आरोपीला अटक केली आहे. रिपोर्टनुसार, आधी आरोपीने मुलीला प्रेम प्रकरणात अडकवले आणि नंतर अश्लील व्हिडीओ बनवून तिला ब्लॅकमेल करायला सुरुवात केली.
मुलीच्या आत्महत्येनंतरही व्हिडीओ व्हायरल
विद्यार्थिनीने आत्महत्या केल्यानंतरही आरोपी तिचा व्हिडीओ व्हायरल करत होता. मुलीच्या कुटुंबीयांच्या तक्रारीवरुन पोलिसांनी एफआयआर नोंदवून दोन्ही आरोपींना अटक केली.
दोन्ही आरोपींना अटक
पोलिसांनी व्हायरल झालेल्या व्हिडीओची चौकशी केली असता, दोन्ही आरोपी अश्लील मेसेज एडीट करून विद्यार्थिनीची बदनामी करत असल्याचे आढळून आले. या प्रकरणाबाबत एसीपी त्रिपुरारी पांडे यांचे म्हणणे आहे की, विद्यार्थिनीने आत्महत्या केली होती, यावरून कुटुंबीयांनी दोन तरुणांवर मुलीला प्रेम प्रकरणात अडकवून ब्लॅकमेल केल्याचा आरोप केला होता. त्यांच्या तक्रारीवरून दोन्ही आरोपींना अटक करून त्यांची रवानगी तुरुंगात करण्यात येत आहे.