IIT JAM 2021 Result: संयुक्त प्रवेश परीक्षेचा निकाल जाहीर, अधिकृत वेबसाईटवर करा चेक

प्रातिनिधिक फोटो.

नवी दिल्ली : भारतीय विज्ञान संस्था (आयआयएससी), बंगळुरूने आयआयटी संयुक्त प्रवेश परीक्षेचा निकाल (IIT JAM 2021) आज, म्हणजेच 20 मार्च 2021 रोजी, जाहीर केला आहे. उमेदवार अधिकृत वेबसाईट jam.iisc.ac.in वर जाऊन आपला निकाल तपासू शकतील. निकाल तपासण्यासाठी उमेदवारांना त्यांचे लॉगिन क्रेडेन्शियल्स, म्हणजे एनरोलमेंट आयडी / ईमेल आयडी आणि पासवर्ड टाकणे आवश्यक आहे. (iit jam exam result announced, check on official website jam.iisc.ac.in)

असा तपासा निकाल

निकाल तपासण्यासाठी उमेदवारांना अधिकृत वेबसाईट jam.iisc.ac.in वर भेट द्यावी लागेल. पुढे, मुख्य पृष्ठावर उपलब्ध असलेल्या उमेदवाराच्या पोर्टलवर (JOAPS) वर क्लिक करा. आता एक नवीन टॅब उघडेल. येथे उमेदवारांनी त्यांचा नावनोंदणी आयडी किंवा ईमेल आयडी आणि संकेतशब्द प्रविष्ट करावा आणि ते सबमिट करा. आता आपला निकाल स्क्रीनवर दिसून येईल. उमेदवारांनी त्यात दिलेला तपशील तपासावा. आवश्यक असल्यास ते डाउनलोड करा आणि प्रिंट आउट काढा. संगणकावर आधारीत आयआयटी जॅम (JAM 2021) चे आयोजन 14 फेब्रुवारी 2021 रोजी दोन शिफ्टमध्ये आयोजित केले होते. परीक्षेला बसण्यासाठी उमेदवारांची प्रवेश पत्रे 11 जानेवारी 2021 रोजी देण्यात आली होती. जेएएम 2021 साठी अर्ज करण्याची प्रक्रिया 10 सप्टेंबर 2020 पासून सुरू केली गेली. ऑनलाईन अर्ज करण्याची अंतिम तारीख 17 ऑक्टोबर 2020 होती.

देशभरातील आयआयटी संस्थेत मिळतो प्रवेश

या परीक्षेच्या माध्यमातून देशभरातील आयआयटी संस्थांमध्ये दोन वर्षांची एमएससी, जॉईंट एमएससी-पीएचडी, एमएससी-पीएचडी ड्युअल डिग्री आणि इतर मास्टर अभ्यासक्रमांसह भारतीय विज्ञान संस्थेच्या एकात्मिक पीएचडी कोर्समध्ये प्रवेश दिला जातो. संयुक्त प्रवेश परीक्षा ही संपूर्ण देशभरात आयोजित करण्यात आलेली अखिल भारतीय स्तरीय परीक्षा आहे. या वेळी आयआयटी जॅम परीक्षेत अर्थशास्त्राचा आणखी एक विषय समाविष्ट झाला. यावेळी एकूण 7 विषयांसाठी परीक्षा घेण्यात आली. ज्यामध्ये बायोटेक्नॉलॉजी, रसायनशास्त्र, भूशास्त्र, गणित, गणितीय विज्ञान, भौतिकशास्त्र आणि अर्थशास्त्र यांचा समावेश आहे. (iit jam exam result announced, check on official website jam.iisc.ac.in)

इतर बातम्या

शेतकरी असल्याचा दाखला कसा काढायचा ? अर्ज कुठे करायचा? वाचा सविस्तर

VIDEO : महाराष्ट्रातील चित्रपटप्रेमींचा दांडगा उत्साह, एकमेकांच्या उरावर चढून थिएटरमध्ये घुसले