Election Result 2022 Live: जाणून घेऊयात उत्तराखंडच्या निकालाचे दहा महत्त्वाचे मुद्दे!

हरीश रावत आणि पुष्करसिंह धामी

गल्लीपासून थेट दिल्ली गाजवणाऱ्या अतिशय महत्त्वाच्या अशा पाच राज्यांच्या विधानसभा निवडणुकीचा निकालाचे (Assembly Election Result) चित्र स्पष्ट होताना दिसत आहे. उत्तर प्रदेश, उत्तराखंड, भाजप आणि मणिपूरमध्ये भाजपची सत्ता येईल, असा कौल आहे. आज सायंकाळपर्यंत यातले सर्वच्या सर्व निकाल हाती येतील. मात्र, त्यात उत्तर प्रदशेजवळच्या उत्तराखंडमध्ये भाजपला (BJP) स्पष्ट बहुमत (Absolute majority) मिळण्याची शक्यता आहे. उत्तराखंडमध्ये विधानसभेच्या एकूण 70 जागांसाठी निवडणूक झाली. येथे मुख्य लढत भाजप विरुद्ध काँग्रेस अशीच रंगली. यात आतापर्यंत हाती आलेल्या कौलानुसार भाजपने आघाडी घेतली आहे. पंजाबमध्ये बहुमताने सत्तेत येण्याचा मार्ग मोकळा झालेल्या आपला येथे मतदारांनी नाकारल्याचे दिसत आहे. जाणून घेऊयात अतिशय रंजक ठरलेल्या उत्तराखंडच्या निवडणूक निकालाचे दहा मुद्दे.

1. उत्तराखंडमध्ये विधानसभेच्या एकूण 70 जागांसाठी निवडणूक झाली. येथे मुख्य लढत भाजप विरुद्ध काँग्रेस अशीच रंगली. मात्र, यात आतापर्यंत हाती आलेल्या कौलानुसार भाजपने आघाडी घेतली आहे.
2. उत्तराखंडमध्ये सध्या भाजप 41 जागांवर आघाडीवर आहे. तर भाजपच्या वाट्याला फक्त 25 आणि इतरांच्या खात्यात 4 जागा जाण्याची शक्यता आहे. दुपारी चारपर्यंत हे चित्र स्पष्ट होईल.
3. उत्तराखंडची माजी मुख्यमंत्री हरीश रावत यांना आज त्यांच्या लग्नाच्या वाढदिवसादिवशी दुहेरी झटका बसताना दिसतोय.
4. एकीकडे काँग्रेस पराभवाच्या छायेत आहेच, दुसरीकडे त्यांचा सुद्धा पराभव होईल, अशी शक्यता आहे.
5. उत्तराखंडमध्ये 2017 च्या विधानसभा निवडणुकीत भाजपने एकहाती सत्ता मिळवली होती. विशेष म्हणजे त्यावेळेस काँग्रेसचे उमेदवार आणि तत्कालीन मुख्यमंत्री हरीश रावत यांचा दोन्ही जागांवर पराभव पत्करावा लागला होता.
6. हरिद्वारमध्ये हरीश रावत यांचा भाजपच्या उमेदवाराने पराभव केला. तर किच्चा मतदारसंघातून रावत 92 मतांनी हरले होते. आता या निवडणुकीत काय होणार, याकडे लक्ष लागले आहे.
7. पंजाबमध्ये शानदार प्रदर्शन करणाऱ्या आम आदमी पक्षाकडे उत्तराखंडमधील नागरिकांनी अक्षरशः पाठ फिरवली आहे. येथे पक्षाला एक तरी जागा मिळणार का, याची उत्सुकता लागली आहे.
8. उत्तराखंडचे विद्यमान मुख्यमंत्री पुष्करसिंह धामी हे सुद्धा पिछाडीवर पडलेत. ते या निवडणुकीत विजय मिळवणार का, हे पाहावे लागेल.
9. उत्तराखंडमधील लोहाघाट जागेवर काँग्रेसचे खुशाल सिंह अधिकारी 6118 मतांनी विजयी झाले आहेत.
10. डेहराडून येथील चकराता जागेवरची मतमोजणी पूर्ण झाली असून, येथे काँग्रेसचे विक्रम सिंह नेगी विजयी झाल्याचे समजते. फक्त घोषणा बाकी आहे.

इतर बातम्याः 

tv9 Explainer: कोण म्हणतं मोदी लाट ओसरली? यूपीपासून मणिपूरपर्यंत मोदी मोदी मोदी, 2024 ला पुन्हा देशाची गादी?

Election Result 2022 Live: उत्तर प्रदेशमध्ये भाजपने गाठली मॅजिक फिगर, सपाची शतकी खेळी

Election Result 2022 Live: निकालाआधीच अखिलेश यांचे फटाके; म्हणतात, इम्तिहान बाकी है अभी हौसलों का…