Ajay Devgn: हिंदू देव-देवता हे विनोद, अश्लील गोष्टींसाठी आहेत का? युझर्सनी अजय देवगणचा ‘Thank God’ वरही टाकला बहिष्कार

Thanks god

Image Credit source: Instagram

‘थँक गॉड’ (Thank God)चित्रपटाचा ट्रेलर 8  सप्टेंबर रोजी प्रदर्शित झाला. या चित्रपटात अजय देवगण(Ajay Devgn), सिद्धार्थ मल्होत्रा ​​आणि रकुल प्रीत सिंग यांच्या प्रमुख भूमिका आहेत. ट्रेलरसोबत अजय देवगणचा लूकही समोर आला होता. हा चित्रपट 25 ऑक्टोबर 2022 रोजी दिवाळीच्या मुहूर्तावर चित्रपटगृहात प्रदर्शित होणार आहे. याचे दिग्दर्शन इंद्र कुमार यांनी केले आहे. हा एक विनोदी चित्रपट आहे. ज्यामध्ये सिद्धार्थ मल्होत्राचा अपघात होतो आणि त्यानंतर चित्रगुप्ताच्या दरबारात त्याच्या कृत्यांचा हिशेब दिला जातोय असे दाखवण्यात आले आहे. अजय देवगण पडद्यावर चित्रगुप्ताची (Chitragupta)भूमिका साकारताना दिसणार आहे. आजकाल जवळपास प्रत्येक चित्रपटावर बहिष्काराचा ट्रेंड दिसत असताना, अजय देवगणचा ‘थँक गॉड’ देखील यापासून अलिप्त राहिलेला नाही.

बॉलीवूड चित्रपटांच्या विरोधात  बहिष्कार

सोशल मीडियावर चित्रपटावर बहिष्कार टाकण्याची मागणी केली जात आहे. चित्रगुप्त आणि हिंदू देवतांची ज्या प्रकारे विटंबना केली जात आहे त्याचा विरोध करत असल्याचे युजर्सनी सांगितले. त्याच वेळी, अनेक वापरकर्त्यांनी सांगितले की आता संपूर्ण बॉलिवूडवर बहिष्कार घालण्याची वेळ आली आहे. एका युजरने म्हटले की, ‘बॉलिवुडसाठी हिंदू देव विनोद, अश्लील गोष्टींसाठी आहेत का?

थँक गॉडमध्ये अजय

यासारखे अनेक ट्विट नेटकऱ्यांनी केले आहेत.