Bollywood Corona | अक्षय कुमार-गोविंदानंतर आता भूमी पेडणेकरलाही कोरोनाची लागण! सोशल मीडियाद्वारे दिली माहिती
बॉलिवूड अभिनेता अक्षय कुमार (Akshay kumar) आणि गोविंदा (Govinda) यांच्यानंतर आता बॉलिवूड अभिनेत्री भूमी पेडणेकर (Bhumi Pednekar) हीलादेखील कोरोना विषाणूची लागण झाली आहे.
मुंबई : देशभरात कोरोना विषाणूच्या संसर्गाचे प्रमाण दिवसेंदिवस वाढत आहे. दररोज हजारो लोक या विषाणूच्या विळख्यात अडकत आहेत. सामान्य जनताच नाही तर, बॉलिवूडमधील अनेक सेलेब्स देखील या विषाणूला बळी पडले आहेत. बॉलिवूड अभिनेता अक्षय कुमार (Akshay kumar) आणि गोविंदा (Govinda) यांच्यानंतर आता बॉलिवूड अभिनेत्री भूमी पेडणेकर (Bhumi Pednekar) हीलादेखील कोरोना विषाणूची लागण झाली आहे. सोशल मीडियावर पोस्ट शेअर करुन तिने आपण कोरोना पॉझिटिव्ह असल्याबद्दल माहिती दिली आहे (Bollywood Actress Bhumi Pendnekar tested corona positive).
अभिनेत्री भूमी पेडणेकर हिने एक सोशल मीडिया पोस्ट शेअर केली आणि सांगितले की, तिला कोरोनाची लक्षणे आहेत आणि तीने स्वत:ला घरीच क्वारंटाईन केले आहे. ती म्हणाली, मी डॉक्टरांनी दिलेल्या प्रोटोकॉलचे अनुसरण करत आहे. आपण माझ्या संपर्कात आला असल्यास, कृपया त्वरित आपली चाचणी करून घ्या. मी स्टीम, व्हिटामिन सी आणि पौष्टिक अन्न खात आहे. तसेच, माझे मन प्रसन्न ठेवत आहे. कृपया या परिस्थितीला हलक्यात घेऊ नका. मीसुद्धा सर्व खबरदारी घेतल्या होत्या, तरी देखील मी या विळख्यात अडकले. नेहमी मास्क घाला, आपले हात स्वच्छ धुवा आणि सामाजिक अंतराचे अनुसरण करा.
पाहा भूमीची पोस्ट
सेलेब्स अडकतायत कोरोनाच्या विळख्यात
देशात कोरोनाची प्रकरणे वाढत आहेत. बॉलिवूडमधील अनेक सेलेब्स देखील या विळख्यात अडकले आहेत. नुकताच अक्षय कुमार या विषाणूच्या विळख्यात अडकला आहे. आता त्याला उपचारासाठी रुग्णालयात दाखल करण्यात आले आहे. अक्षय सध्या त्याच्या आगामी ‘राम सेतु’ या चित्रपटाचे शूटिंग करत होता. अक्षयबरोबरच या चित्रपटातील 45 कलाकारही या विषाणूच्या विळख्यात अडकले आहेत. गेल्या काही दिवसांत आलिया भट्ट, रणबीर कपूर, आमीर खान, संजय लीला भन्साळी यांच्यासह बॉलिवूडमधील अनेक सेलेब्स कोरोना विषाणू संक्रमित झाले आहेत.
भूमीने नुकतेच संपवले चित्रीकरण
भूमी पेडणेकर लवकरच अभिनेता राजकुमार राव याच्यासोबत ‘बधाई हो’चा सिक्वेल ‘बधाई दो’मध्ये दिसणार आहे. भूमीने नुकतेच ‘बधाई दो’चे शूटिंग पूर्ण केले आहे. चित्रपटाच्या शूटिंगच्या शेवटी त्यांनी सोशल मीडियावर एक पोस्ट शेअर करुन याबाबत माहिती दिली होती. काही काळापूर्वी भूमीचा ‘दुर्गामती’ हा चित्रपट रिलीज झाला होता, ज्यामध्ये तिच्या अभिनयाची खूप प्रशंसा झाली आहे. या चित्रपटातील तिच्या व्यक्तिरेखेला लोकांनी खूप पसंती दिली होती. तथापि, हा चित्रपट ओटीटीवर रिलीज झाला होता, परंतु काही खास जादू दाखवू शकला नाही.
(Bollywood Actress Bhumi Pendnekar tested corona positive)
हेही वाचा :
Akshay Kumar | कोरोनाची लागण झालेल्या ‘खिलाडी’ कुमारची तब्येत खालवली, उपचारासाठी रुग्णालयात दाखल!
