मुंबई : अभिनेत्री परिणीती चोप्राने आपचे खासदार राघव चड्ढा यांच्याशी 13 मे रोजी रात्री एंगेजमेंट केली. सध्था या क्यूट कपलच्या एंगेजमेंटचे फोटो सोशल मीडियावर व्हायरल होत आहेत. तसंच परिणीतीने अनेक चित्रपटांमध्ये आपल्या अभिनयाच्या जोरावर प्रसिद्धी मिळवली आहे, मात्र परिणीतीला यासाठी मोठ्या परीक्षेला सामोरे जावं लागलं आहे. यामध्ये परिणीतीनं एकदा 28 किलोपर्यंत वजन कमी केलं होतं.
बॉलीवूडमध्ये पदार्पण करण्यापूर्वी परिणीती चोप्राचे वजन जास्त होते. परंतु तिनं तिची मेहनत आणि प्रबळ इच्छाशक्तीच्या जोरावर अशक्य गोष्ट शक्य करून दाखवली आहे. चित्रपटासाठी तिनं मेहनत घेत तब्बल 28 किलो वजन कमी केलं होतं.
हेल्दी फुड खाण्याची सवय लावल्याशिवाय तुम्ही फिटनेस मिळवू शकत नाही. परिणीती चोप्राही खूप कडक डाएट रूटीन फॉलो करते. तिनं तिचं वजन कमी करताना स्वतःला जास्त चरबी, जास्त कार्ब आणि गोड पदार्थांपासून दूर ठेवले होते. विशेष म्हणजे ती पिझ्झा, बर्गर आणि फ्रेंच फ्राईज असे पदार्थ खात नाही.
परिणीतीनं हेल्दी ब्रेकफास्ट खाण्यावर मोठ्या प्रमाणात भर दिली होती. तिनं तिच्या ब्रेकफास्टमध्ये ब्राऊन ब्रेड, बटर, अंडे, एक ग्लास दूध आणि ताज्या फळांचा रस या पदार्थांचा समावेश केला होता. हेल्दी ब्रेकफास्टमुळे वजन नियंत्रणात राहण्यास मदत होते.
परिणीती चोप्रा दुपारच्या जेवणात ब्राऊन राइस, रोटी, डाळ आणि हिरव्या पालेभाज्या अशा हेल्थी पदार्थांचा समावेश करते. वजन नियंत्रणात राहण्यासाठी हलका आहार खूप प्रभावी ठरतो.
परिणीती रात्री झोपण्याच्या 2 तास आधी डिनर करते. ज्यामध्ये ती कमी तेलात बनवलेले अन्न, हिरव्या भाज्या आणि एक ग्लास दुध अशा हेल्थी पदार्थांचा समावेश करते.
आहारासोबतच परिणीती वर्कआउटवरही खूप लक्ष देते. अनेकदा तिला जिमच्या बाहेर स्पॉट केलं जातं. परिणीती तिच्या सोशल मीडियावर वर्कआउटचे बरेच व्हिडिओही शेअर करते. ती वर्कआउटसोबतच योगादेखील करते.