आज ब्रँडेड कपडे घालणारा कपिल शर्मा एकेकाळी करायचा कापड गिरणीत काम ! पहिला पगार किती होता माहित्ये का ?
Kapil Sharma Struggle : कपिल शर्माने त्याच्या कठोर मेहनतीच्या जोरावर आज चांगलं यश मिळवलं आहे. त्याच्या शोमध्ये आज अनेक मोठे-मोठे सेलिब्रिटी जातात, पण एक वेळ अशी होती जेव्हा कपिलने....
नवी दिल्ली : कॉमेडियन आणि अभिनेता कपिल शर्माने (Kapil Sharma) त्याची मेहनत आणि क्षमतेच्या जोरावर एक स्थान मिळवले आहे. टीव्हीवर दिसणारा हा साधासुधा मुलगा एके दिवशी छोट्या पडद्याचा सुपरस्टार बनेल हे कोणालाच माहीत नव्हते. एक काळ असा होता की कपिल शर्मा कधी फोन बूथवर तर कधी कपड्याच्या फॅक्टरीत काम करायचा, पण आज त्याच्या ‘द कपिल शर्मा शो’ (The Kapil Sharma Show) मध्ये बॉलीवूडमधील प्रत्येक मोठे स्टार आपल्या चित्रपटाचे प्रमोशन करण्यासाठी येतात.
एवढा होता कपिलचा पहिला पगार
स्टार बनण्यापूर्वी कपिल शर्माने अनेक छोटी-मोठी कामं केली आहेत. हा खुलासा त्याने स्वतः कॅमेऱ्यासमोर केला आहे. एका मुलाखतीदरम्यान कपिल शर्माने सांगितले की, अगदी लहान वयात त्याने फोन बूथवर काम केले. काही तासांच्या कामासाठी त्याला फक्त 500 रुपये मिळायचे. हा त्याचा पहिला पगार होता हे जाणून तुम्हालाही आश्चर्य वाटेल.
कापड गिरणीत काम केले
कपिलने फोन बूथशिवाय एका कापड मिलमध्येही काम केले होते. त्यानेच हा खुलासा केला. त्यावेळी त्याचे वय अवघे 14 वर्षे होते. कपिल म्हणाला, ‘मला त्यावेळी 900 रुपये पगार मिळायचा, पण मिलमध्ये खूप गरमी असायची. परिस्थिती अशी होती की बाहेरून कामासाठी आलेले मजूर गावी परत पळून जायचे.’
कपिलच्या शोमध्ये दिसलेत हे स्टार्स
कपिल शर्माच्या शोमध्ये आत्तापर्यंत अमिताभ बच्चन, शाहरुख खान, अक्षय कुमार, सलमान खान, रणबीर कपूर, रणवीर सिंग, अजय देवगण, ऐश्वर्या राय, अनुष्का शर्मा, सोनू निगम यांसारखे मोठे स्टार्स पाहुणे म्हणून दिसले आहेत. हे सर्व मोठे स्टार्स त्यांच्या चित्रपटांच्या किंवा कामाच्या प्रमोशनसाठी शोमध्ये येत असतात.