मलायका अरोराच्या आयुष्यात नवी एन्ट्री; फोटो शेअर करत दिली ‘गुड न्यूज’

मलायका अरोरा अर्जुन कपूरसोबतच्या ब्रेकअपनंतर नेहमीच चर्चेत राहिली आहे.कधी त्यांच्या एकमेकांच्या वक्तव्यामुळे तर कधी ती शेअर करत असेलल्या तिच्या फोटोंमुळे. आताही असाच एक फोटो मलायकाने तिच्या सोशल मीडियावर शेअर केला आहे. ज्याची चर्चा सध्या सर्वत्र होताना दिसत आहे.

मलायकाने शेअर केलेल्या फोटोमुळे तिच्या आयुष्यात एक नवीन सुरुवात होणार असल्याचे दिसून आले आहे. मलायकाचा हा फोटो मुलगा अरहानसोबतचा असून तिने त्याच्यासोबत मुंबईत स्वतःचा बिझनेस सुरू केला आहे. तिने इन्स्टाग्रामवर पोस्ट करून याबाबत माहिती दिली.

मलायकाने मुलगा अरहानबरोबर मिळून नवीन रेस्टॉरंट सुरू केले आहे. ‘स्कार्लेट हाउस’ असं या रेस्टॉरंटचे नाव आहे. हे सुंदर रेस्टॉरंट वांद्रे येथील 90 वर्ष जुन्या पोर्तुगीज बंगल्यात तयार करण्यात आलं आहे. हे रेस्टॉरंट बोल्ड स्कार्लेट रंगात रंगवलेले आहे. हे रेस्टॉरंट खूपच सुंदर दिसत आहे. शटर विंडो, व्हिक्टोरियन खुर्च्या, फ्लोरल इंटिरियर व ग्रामोफोन यामुळे रेस्टॉरंटचा लूक लक्ष वेधून घेतो.

बीना नोरोन्हा या रेस्टॉरंटच्या मुख्य शेफ आहेत. त्या स्वतः मलायकासाठी हेल्दी पदार्थ बनवतात. रेस्टॉरंटच्या मेनूमध्ये हंगामी फळांचा समावेश असलेले सॅलड्स, बाजरीचे नूडल्स, जपानी कॉफी ग्रेड मॅचा, ग्लूटेन-फ्री रॅप्स आणि ज्वारीचा रिसोटो यासारख्या पदार्थांचा समावेश असणार आहे. मलायकाने पोस्ट शेअर केलेल्या या गुड न्यूजमुळे चाहतेही खूप खूश आहेत. तिच्या पोस्टवर कमेंट्स करून तिला या व्यवसायासाठी शुभेच्छाही दिल्या आहेत.

अर्जुन कपूरसोबतच्या ब्रेकअपनंतर मलायका सोशल मीडियावर खूप सक्रिय झालेली पाहायाला मिळते. ती इन्स्टाग्रामवर अनेक पोस्ट शेअर करत असते. “ज्यांना मी आवडत नाहीत त्यांच्यासाठी माझ्याकडे वेळ नाही. कारण जे माझ्यावर प्रेम करतात त्यांच्याबरोबर मी खूप व्यस्त आहे,” अशा आशयाची पोस्ट तिने नुकतीच केली होती. त्यामुळे ती या सगळ्यांमधून बाहेर पडत आपलं एक नवं आयुष्य सुरु करण्यासाठी तयार आहे हेच दिसून येत.