Neha Kakkar : महिन्याभरापुर्वी शुभमंगल, नेहा कक्करला आताच डोहाळे ? बघा फोटोचं वास्तव
नेहा कक्कर आणि रोहनप्रीतच्या घरी लवकरच नव्या पाहुण्याचं आगमन ! (Neha Kakkar floating baby bump, Picture on social media )
मुंबई : बॉलिवूड सिंगर नेहा कक्कर नुकतीच रोहनप्रीत सिंहसोबत लग्नबंधनात अडकली आहे. या दोघांच्या लग्नाला दोन महिनेही पूर्ण झाले नाहीत आणि आता नेहानं रोहनप्रीतसोबत बेबी फ्लॉन्ट करत एक फोटो शेअर केला आहे.फोटो बघून नेहा आणि रोहनच्या घरी नव्या पाहुण्याचं आगमन होणार असल्याचं दिसतंय. मात्र दोघांनीही फोटो शेअर करताना याचा उल्लेख केलेला नाही. (Neha Kakkar floating baby bump, Picture on social media )
नेहा कक्करनं फोटो शेअर करत ‘खयाल रखया कर’असं कॅप्शन दिलं आहे. तर रोहनप्रीतनं या फोटोवर ‘आता तर जास्त काळजी घ्यावी लागणार’अशी कमेंट केली आहे. नेहाच्या या फोटोवर चाहत्यांकडून कमेंट्सद्वारे शुभेच्छांचा वर्षाव करण्यात येत आहे. तर काहींनी नेहा खरच प्रेग्नेंट आहे का ? असा प्रश्न विचारला आहे. खूप कमी वेळात हा फोटो सोशल मीडियावर धुमाकूळ घालतोय.
नेहा कक्करच्या या फोटोचं कॅप्शन पाहता हे तिच्या आगामी गाण्यांमधील बोल असल्याचं वाटत आहे. ‘नेहू दा व्याह’या गाण्याच्या वेळीसुद्धा नेहानं असा पब्लिसिटी स्टंट केला होता त्यामुळे आतासुद्धा असं काही तरी असू शकतं असा अंदाज वर्तवण्यात येतोय.
नेहा कक्कर आणि रोहनप्रीत या दोघांनी 24 ऑक्टोबरला दिल्लीत लग्न केलं. या लग्नातील प्रत्येक कार्यक्रम संस्मरणीय ठरला. लग्नानंतर नेहाचं तिच्या सासरच्या लोकांनी मोठ्या थाटामाटात स्वागत केलं होतं. नेहाच्या स्वागतासाठी रिसेप्शन आयोजित करण्यात आलं होतं. नेहा आणि रोहनच्या लग्नाचे फोटो सोशल मीडियावर चांगलेच ट्रेंडमध्ये होते.
नेहा आणि रोहन यांनी ‘द कपिल शर्मा शो’मध्ये सांगितलं की हे दोघं ऑगस्ट 2020 मध्ये ‘नेहू दा व्याह’ या गाण्याच्या शूटिंगदरम्यान भेटले. त्यानंतर दोघंही एकमेकांच्या प्रेमात पडले.
संबंधित बातम्या