वडापाव… कधी भूक लागल्यावर अडीनडीला खाल्ला जाणारा तर कधी चवीने खाल्ला जाणारा… पण याच वडापावने एका तरूणीचं आयुष्य बदललं आहे. दिल्लीच्या फेमस वडापाव गर्लचा एखादा तरी व्हीडिओ तुम्ही सोशल मीडियावर पाहिला असेल. तिच्या व्हीडिओंना नेटकऱ्यांची पसंती मिळते. आता याच वडापाव गर्लला मोठी ऑफर आली आहे. दिल्लीची फेमस वडापाव गर्ल लवकरच रिअॅलिटी शोमध्ये दिसणार आहे. बिग बॉस ओटीटीचा तिसरा भाग लवकरच प्रेक्षकांच्या भेटीला येणार आहे. बिग बॉस ओटीटी 3 मध्ये दिल्लीची वडापाव गर्ल दिसणार असल्याची माहिती आहे.
दिल्लीची वडापाव गर्ल अर्थात चंद्रिका गेरा दीक्षित ही बिग बॉस ओटीटी 3 मध्ये दिसणार असल्याची माहिती आहे. बिग बॉस ओटीटी 3 च्या मेकर्सने चंद्रिकाला या शोमध्ये सहभागी होण्यासाठी विचारलं आहे. पण अद्याप तिचं नाव फायनल झालेलं नाही. जर चंद्रिका बिग बॉस ओटीटी 3 सहभागी झाली. तर राडा पाहायला मिळू शकतो. कारण वडपाव विक्रेती ही तिची ओळख आहेच. शिवाय ती तिच्या ड्राम्यासाठीही प्रसिद्ध आहे. त्यामुळे बिग बॉस ओटीटी 3 चंद्रिका सहभागी झाली तर प्रेक्षकांना ड्रामा पाहायला मिळू शकतो.
चंद्रिका गेरा दीक्षित ही ‘वडापाव गर्ल’ नावाने दिल्लीत प्रसिद्ध आहे. दिल्लीच्या रस्त्यांवर वडापाव विकणारी तरूणी सध्या देशभरात प्रसिद्ध झाली आहे. तिचा मुलगा आजारी पडला. तेव्हा नोकरी सोडून चंद्रिकाने वडापाव विकण्यातचा व्यवसाय सुरु केला. हळूहळू तिचा व्यवसाय वाढत गेला. लोक रांगा लावून तिच्याकडचा वडापाव खातात. सेम टू सेम मुंबई स्टाईल वडापाव आम्ही बनवतो. वडापावची चटणीही मुंबईसारखीच आहे. माझा वडापाव प्रचंड टेस्टी आहे. इतका चविष्ट वडापाव तुम्हाला पूर्ण दिल्लीत कुठेच खायला मिळणार नाही, असा दावा चंद्रिका वारंवार करते.
50 रुपयांना चंद्रिका दीक्षित वडापाव विकते. तिचा वडापाव खाण्यासाठी खवय्ये गर्दी करतात. नुकतंच तिने वडापावचं नवं हॉटेलही सुरु केलं आहे. चंद्रिकाची सोशल मीडियावर प्रचंड चर्चा होते. तिची बोलण्याची स्टाईल कुणाला आवडते. तर कुणाला तिचं बोलणं उद्धट वाटतं. पण असं जरी असेल तरी चंद्रिकाचे व्हीडिओ सोशल मीडियावर चर्चेत असतात. त्यामुळे चंद्रिका जर बिग बॉस ओटीटी 3 मध्ये आली. तर प्रेक्षकांना ड्रामा पाहायला मिळू शकतो.