चार थरांचा केक,परिसारखा सुंदर ड्रेस, बॉलिवूड पार्टीपेक्षा कमी नव्हती राखीची बर्थडे पार्टी; दुबईत शानदार सेलिब्रेशन

बॉलीवूडची ड्रामा क्वीन म्हटलं की राखी सावंत हे नाव पहिलं डोळ्यासमोर येत.  राखीही कायम प्रेक्षकांचे मनोरंजन करत आली आहे. या ड्रामा क्वीनचा काल (25 नोव्हेंबर 2024) रोजी वाढदिवस होता. राखीच्या वाढदिवसाचे दुबईमध्ये अगदी जंगी सेलिब्रेशन झालं. शिव ठाकरेपासून अनेक कलाकारांनी हजेरी लावली होती.

दुबईत जंगी सेलिब्रेशन

सध्या राखी दुबईमध्ये आहे आणि तिथेच तिने मोठ्या दणक्यात आपला वाढदिवस साजरा केला आहे. ता राखी ४६ वर्षांची झाली आहे. सर्व चाहते आणि मित्रपरिवारासाठी राखीने जंगी पार्टीचे आयोजन केले होते. राखीच्या वाढदिवसाच्या सेलिब्रेशचा व्हिडीओ हा व्हायरल झाला आहे. व्हिडीओमध्ये राखीने चार थरांचा मोठा केक कापला होता.

यावेळी तिने पांढऱ्या रंगाचा सुंदर ड्रेस परिधान केला होता. सेलिब्रेशनचे काही फोटो आणि व्हिडीओ सोशल मीडियावर व्हायरल होत आहेत. राखीच्या या बर्थडे पार्टीमध्ये ‘बिग बॉस’फेम शिव ठाकरे आणि अभिनेता विशाल कोटियनदेखील सहभागी झाला होता.

राखीने तिच्या इन्स्टाग्राम अकाउंटवर व्हिडीओ पोस्ट आणि फोटो पोस्ट करत सर्वांचे आभार मानले आहेत. तसेच तिने “माझ्या मित्र परिवारासह दुबईमध्ये वाढदिवसाचे सेलिब्रेशन, धन्यवाद संपूर्ण सृष्टी, धन्यवाद माझे मित्र, धन्यवाद आई…”, अश कॅप्शनही या पोस्टवर लिहिले आहे.

राखी म्हणजे फक्त एंटरटेंनमेंट एंटरटेंनमेंट

राखीच्या कामाबद्दल बोलायचे झाले तर तिचे आज बॉलीवूडमध्ये स्वत:चे असे वेगळे स्थान आहे. तिच्या डान्स आणि तिच्या मनोरंजन करण्याच्या स्टाईलचे सगळेच दिवाने आहेत. राखी म्हणजे फक्त एंटरटेंनमेंट एंटरटेंनमेंट असते. तिला मराठी- हिंदी बिग बॉसमध्ये तिच्या याच अदांमुळे आणि एंटरटेंनमेंटमुळे आवर्जून बोलवतात. त्यामुळे एंटरटेंनमेंट क्वीन असही तिला म्हटलं जातं.

1997 मध्ये आलेल्या ‘अग्निचक्र’ या चित्रपटातून राखीने पहिल्यांदा चित्रपटात पाऊल ठेवलं. त्यानंतर राखीने अनेक रिअॅलिटी शो, चित्रपटांमधून प्रेक्षकांचे मनोरंजन केलं आहे. त्यामुळे आजही तिचे चाहत्यांमध्ये वाढच होताना दिसते.

राखीने अनेक आयटम साँग्सही केलेत. 2004 मध्ये आलेला ‘सातच्या आत घरात’ या मराठी चित्रपटातील ‘हिल पोरी हिला’ या गाण्याने राखी प्रसिद्धी झोतात आली. ‘परदेसीया’, ‘देखता है तू क्या’ या गाण्यांमुळे राखीच्या चाहत्यांमध्ये मोठी भर पडली.