लेकीचा घटस्फोट जिव्हारी लागला;समांथाच्या वडिलांनी तिचे अन् नागाचैतन्यच्या लग्नाचे फोटोही केले होते शेअर

अभिनेत्री समांथा रुथ प्रभूच्या वडीलांचे काल म्हणजे 29 नोव्हेंबर 2024 रोदी निधन झाले .वडील जोसेफ प्रभू यांचे निधन झाल्याची दुःखद बातमी समांथाने सोशल मीडियावर शेअर केली आहे. समांथाला तिच्या वडिलांच्या निधनामुळे नक्कीच मोठा धक्का बसला आहे. वडिलांच्या निधनानंतर समांथाने पोस्ट शेअर करत “पुन्हा भेट होईपर्यंत बाबा…” असं लिहित तुटलेल्या हृदयाचा इमोजी टाकला आहे.

वडिलांच्या निधनामुळे समांथा मात्र पुरती खचल्याचे पाहायला मिळत आहे. समांथाना ही बातमी शेअर करताच नेटकऱ्यांकडून तिच्यासाठी पोस्ट येऊ लागल्या. वडिलांचाही लेकीवर फार जीव होता. तसेच समांथाचे वडील तिच्या घटस्फोटाच्या घटनेमुळे फार नाराज होते. चाहत्यांप्रमाणे त्यांच्यासाठीही समांथाचा घटस्फोट हा एक धक्काच होता.

लेकीचा घटस्फोट वडिलांच्या फार जिव्हारी लागला होता

ऑक्टोबर 2021 मध्ये समांथा आणि नागा चैतन्य हे विभक्त झाले. पण तिच्या वडिलांना हे स्विकारायला फार वेळ लागला. तसेच घटस्फोट झाल्यानंतर त्यांनी जवळपास एक वर्षानंतर समांथा आणि नागा चैतन्य यांच्या लग्नातील काही जुने फोटो फेसबुकवर शेअर करत याबद्दल खंत व्यक्त केली होती.

लेकीचा घटस्फोट त्यांना फारच मनाला लागला होता. तसेच समांथा आणि नागा चैतन्यने सगळं विसरून पुन्हा एकत्र येत नवीन अध्याय सुरू करावा अशी त्यांनी आशाही व्यक्त केली होती. या इच्छेमध्ये त्यांचे लेकीवरचे प्रेम आणि काळजी नक्किच दिसत होती. चाहत्यांप्रमाणे समांथाच्या वडिलांचीदेखील इच्छा अपूर्णच राहिली आहे. समांथाच्या वडिलांच्या निधनाच्या बातमीनंतर चाहते मात्र तिला आधार देताना दिसतायत.

समांथा वडिलांच्या अन् तिच्या नात्याबद्दल नेहमी भरभरून बोलायची

समांथाचे वडील, हे तेलुगू अँग्लो-इंडियन होते. समांथाच्या आयुष्यात आणि तिच्या जडणघडणीत तिच्या वडिलांचा मोठा वाटा होता. समांथा तिच्या वडिलांबद्दल नेहमीच भरभरून बोलत असे. मनोरंजन क्षेत्रातील प्रवासात त्यांनी दिलेल्या पाठिंब्याबद्दल ती नेहमी कृतज्ञता व्यक्त करायची. तसेच तिने एका मुलाखती दरम्यान तिच्या वडिलांशी असलेल्या नात्याबद्दल वक्तव्य केले होते. एका माध्यमाला दिलेल्या एका मुलाखतीत तिने तिच्या वडिलांबद्दल अनेक गोष्टी सांगितल्या होत्या.