अर्चना पूरण सिंगच्या मुलाने वेटर बनून सर्वांचं मन जिंकलं; नेटकरी म्हणाले “नेपो किड असूनही तो….”
अर्चना पूरण सिंगने नुकतेच तिच्या कुटुंबासह पावभाजी चॅलेंज स्वीकारलं होतं. तेव्हा तिचा मुलगा आर्यमन जेव्हा एका रेस्टॉरंटमध्ये वेटर म्हणून काम करतो. तेव्हा इंटरनेट वापरकर्त्यांनी त्याचं कौतुक केलं आहे.
बॉलिवूड अभिनेत्री अर्चना पूरण सिंगने अलीकडेच तिच्या कुटुंबासह पावभाजीचे एक मजेदार आव्हान स्वीकारलं होतं. तिच्या नवीन व्लॉगमध्ये, ती मुंबईत कुटुंबासह नाश्त्यासाठी बाहेर जाताना दिसतेय. तसे अर्चनाचे सर्वच व्लॉग हे नेहमीच गंमतीशीर असतात. नेटकरी नक्कीच तिच्या नव्या व्लॉगची वाट पाहत असतात. हा व्लॉग पाहून नेटकऱ्यांना मजाच आली. पण या व्हिडीओमध्ये सर्वांचं लक्ष वेधून घेतले ते म्हणजे त्यांचा मुलगा आर्यमन याच्या अभिनय कौशल्यानं. ते रेस्टॉरंटमध्ये पोहोचताच आणि ऑर्डर देणार असतानाच, आर्यमन वेटर बनतो आणि मेनू वाचायला सुरुवात करतो.
नेटकऱ्यांनीही त्याच्या या कौशल्याचं कौतुक केलं
तो टी-शर्ट घातलेला आणि स्लिंग बॅग घेऊन जाताना दिसला. त्याच्या विनोदी अभिनयाने त्याच्या कुटुंबाला तर हसवलं पण हा व्हिडीओ पाहून इंटरनेटवरही त्याची प्रचंड चर्चा झाली. हा व्हिडीओ व्हायरल झाल्यानंतर नेटकऱ्यांनीही त्याच्या या कौशल्याचं कौतुक केलं आहे. तो एक नेपो किड असूनही इतका साधा आहे याबद्दल त्याचं कौतुक होत आहे.
तो नेपो किड तरीही…
एका युजरने लिहिले आहे की, “त्याच्याकडे एक कला आहे आणि त्याची विनोदबुद्धी देखील खूप चांगली आहे” तर दुसऱ्याने लिहिले आहे, “त्याला त्याच्या आईकडून विनोदाची कला मिळाली”, तर एकाने लिहिले आहे “तो खूप चांगला आहे, त्याला चांगल्या भूमिका मिळायला हव्यात”, तर एका युजरने त्याची इतर नेपोकीडसोबत तुलना करत म्हटलं आहे. “तो चांगला आहे पण त्याचे आईवडील दोघेही अभिनेते आणि कलाकार आहेत म्हणून तो देखील एक नेपो मुलगा आहे. पण तो इतरांपेक्षा चांगला आहे, साधा आहे हे पाहून छान वाटलं.”
अभिनय पाहून नेटकरी हसू आवरू शकले नाही
आर्यमनचा अभिनय आणि त्याचं साधं राहणीमान पाहून इंटरनेट वापरकर्ते कौतुकही करतायत आणि त्याचा अभिनय पाहून ते हसू आवरू शकले नाहीत. त्याच्या इंस्टाग्राम प्रोफाइलवरून असे दिसून येते की त्याला गायक व्हायचं आहे. त्याने 13 जानेवारी रोजी कबीर हिरानंदानी यांचा पहिला एकल ‘सामा’ प्रदर्शित केला. यानंतर ‘बंजारा’ आणि ‘फॉर यू’ प्रदर्शित झाले. त्याचा सर्वात अलीकडील व्हिडिओ ‘छोटी बातें’ त्याच्या भावाने दिग्दर्शित केला होता.
दरम्यान, अर्चना अलीकडेच करण जोहरच्या ‘नादानियां’ या चित्रपटात दिसली. सैफ अली खानचा मुलगा इब्राहिम अली खानचा बॉलिवूडमधील पहिला चित्रपट असलेला हा चित्रपट प्रेक्षकांच्या पसंतीस उतरला नाही. त्याच्या खराब संवाद आणि कलाकारांच्या अभिनयासाठी त्यावर टीका झाली. शौना गौतमचा हा चित्रपट नेटफ्लिक्सवर पाहण्यासाठी उपलब्ध आहे.
