Corona Returns: कोरोनाने पुन्हा वाढवली चिंता, 24 तासांत केसेस झाल्या दुप्पट… महाराष्ट्रातही कोरोनाचा वेग वाढला

Image Credit source: Tv9

मुंबई : कोरोनाने पुन्हा दार ठोठावले आहे. महाराष्ट्रात (Maharashtra) पुन्हा कोरोनाने थैमान घातले आहे. धक्कादायक बाब म्हणजे राज्यात गेल्या 24 तासात कोरोनाच्या रुग्णांची (corona patients) संख्या दुपटीने वाढली आहे. एवढेच नव्हे तर महाराष्ट्रातही या साथीच्या आजारामुळे दोन जणांना आपला जीव गमवावा लागला आहे. यासह राज्यात आतापर्यंत 1.48 लाख लोकांचा कोरोनामुळे मृत्यू (deaths) झाला आहे.

मंगळवारी महाराष्ट्रात कोरोनाचे 155 नवीन रुग्ण आढळले आहेत. सोमवारी आढळलेल्या प्रकरणाच्या तुलनेत हे प्रमाण दुप्पट आहे. सोमवारी राज्यात 61 रुग्ण आढळले असून एकाचाही मृत्यू झाला नाही. महाराष्ट्रात आतापर्यंत कोरोनाचे 81,38,653 रुग्ण आढळले आहेत.

महाराष्ट्रातील पुणे परिसरात कोरोनाचे 75 नवीन रुग्ण आढळले. तर मुंबईत 49, नाशिकमध्ये 13, नागपूरमध्ये 8 आणि कोल्हापूरमध्ये 5 केसेस समोर आल्या आहेत. त्याचवेळी औरंगाबाद, अकोला येथे प्रत्येकी दोन आणि लातूरमध्ये 1 रुग्ण आढळून आला आहे. जीव गमावलेले दोन्ही रुग्ण केवळ पुणे परिसरातील आहेत.

68 रुग्ण झाले बरे

राज्यात गेल्या 24 तासांत 68 रुग्ण कोरोनाचे बरे झाले आहेत. राज्यात आतापर्यंत 79,89,565 रुग्ण बरे झाले आहेत. मात्र अद्याप 662 सक्रिय प्रकरणे आहेत. पुण्यात सर्वाधिक सक्रिय प्रकरणे 206 आहेत. यानंतर मुंबईचा क्रमांक येतो, जिथे 144 कोरोना रुग्ण आहेत. त्याच वेळी, ठाण्यात 98 सक्रिय प्रकरणे आहेत. गेल्या 24 तासात महाराष्ट्रात 5,166 कोरोना चाचण्या झाल्या. राज्यातील पुनर्प्राप्ती दर 98.17% आहे. तर मृत्यू दर 1.82% आहे.

देशभरात कोरोनाचे 402 रुग्ण आढळले आहेत

गेल्या 24 तासांत देशात कोरोनाचे 402 रुग्ण आढळले आहेत. त्याच वेळी, सक्रिय प्रकरणांचा आकडा देखील 3903 पर्यंत वाढला आहे. यापूर्वी 13 मार्च रोजी देशात 444 रुग्ण आढळले होते, तर 12 मार्च रोजी 524 रुग्ण आढळले होते. 11 मार्च रोजी 456 आणि 10 मार्च रोजी 440 प्रकरणे समोर आली होती.

आरोग्य यंत्रणा अलर्ट

देशभर इन्फ्लुएंजा वाढत आहे. काही राज्यांमध्येही कोरोना पॉझिटिव्ह रेटही वाढत आहे. त्यामुळे चिंता वाढली आहे. याची गंभीर दखल घेत औषधसाठी , ऑक्सिजनसाठा उपलब्ध ठेवा, असे निर्देश देण्यात आले आहेत. त्यामुळे आरोग्य विभाग अलर्ट झाला आहे. आवश्यक अशा रुग्णांच्या चाचण्या घेतल्या जात आहेत. मास्कचा वापर करा, गर्दीच्या ठिकाणी जाणे टाळा, असे आवाहन पुन्हा एकदा आरोग्य विभागाने केले आहे

खोकल्याच्या रुग्णांमध्ये वाढ

गेल्या काही दिवसांत राज्यांमध्ये कोरोना चाचण्यांचे प्रमाण रुग्णबाधित येण्याचे प्रमाण हळूहळू वाढत आहे. ही चिंताजनक बाब असून त्याकडे दुर्लक्ष करून चालणार नाही. तातडीने आवश्यक त्या उपाययोजना करणे गरजेचे आहे. सध्या गावागावात खोकल्याचे प्रमाणही वाढले आहे. त्यामुळे चिंता व्यक्त केली जात आहे. खोकला झाला म्हणजे कोरोना तर झाला नाही, अशी भीती व्यक्त केली जात आहे. संबंधितांनी चाचण्या करण्याचे आवाहन आरोग्य विभागाने केले आहे.