Health: टाईप 2 च्या डायबिटीस रुग्णांना त्रिफळाचे सेवन फायदेशीर, मिळतात ‘हे’ लाभ

मधुमेह

Image Credit source: Social Media

मुंबई, जीवनशैलीतील आजारांच्या यादीत मधुमेहाच्या (diabetes) रुग्णांची संख्या वाढत आहे. WHO च्या म्हणण्यानुसार भारतात मधुमेहाच्या रुग्णांची संख्या सर्वाधिक आहे. मधुमेहाशी संबंधित जास्तीतजास्त माहिती मिळवून त्यावर उपाय करणे आवश्यक आहे. जर तुम्ही मधुमेहाच्या समस्येने त्रस्त असाल तर त्रिफळा खाणे तुमच्यासाठी फायदेशीर ठरू शकते. इंटरनॅशनल जर्नल ऑफ आयुर्वेदिक मेडिसिन (IJAM) ने प्रसिद्ध केलेल्या संशोधन अहवालात टाइप 2 मधुमेहाच्या रुग्णांसाठी त्रिफळा फायदेशीर आहे.

टाइप 2 मधुमेहामध्ये त्रिफळाचे फायदे

आयुर्वेदिक औषधांच्या यादीत त्रिफळा समाविष्ट आहे. आवळा, बहेडा आणि हरड यांच्या एकत्रित मिश्रणाला त्रिफळा म्हणतात. सोप्या शब्दात समजून घेतल्यास त्रिफळा चूर्ण हे आवळा, बहेडा आणि हरड यांचे मिश्रण आहे आणि म्हणूनच त्याला त्रिफळा म्हणतात.

टाइप 2 मधुमेहाच्या रुग्णांसाठी ते कसे फायदेशीर आहे?

IJAM च्या अहवालानुसार, त्रिफळामध्ये असलेले दाहक-विरोधी तत्व, गॅलिक ॲसिड आणि फायटोकेमिकल गुणधर्म रक्तातील वाढलेल्या ग्लुकोजच्या पातळीला संतुलित ठेवण्यास मदत करतात. म्हणूनच टाइप 2 मधुमेहाचे रुग्ण हे सेवन करू शकतात.

त्रिफळा चूर्णाचे सेवन कसे करावे?

टाइप 2 मधुमेहाचे रुग्ण त्रिफळा चूर्ण किंवा त्रिफळा गोळ्या घेऊ शकतात. याशिवाय  आवळा, बहेडा आणि हरड एकत्र करून पावडर तयार करू शकता. तसेच तुम्ही मधुमेहाची औषधे घेत असाल, तर डॉक्टरांचा सल्ला घेतल्यानंतरच हर्बल किंवा इतर औषधे घ्या.

रक्तातील साखरेची पातळी बिघडण्याची अनेक कारणे असू शकतात. त्यामुळे मधुमेहाची समस्या टाळण्यासाठी निरोगी जीवनशैलीचे पालन करण्यासोबतच शरीराचे वजन संतुलित ठेवल्यास ही समस्या टाळण्यास मदत होऊ शकते.