High BP: या सध्या उपायाने सहज नियंत्रित होतो उच्च रक्तदाब, अनेकांना नाही माहिती
उच्च रक्तदाबाचा त्रास अनेकांना होतो. यावर काही घरगुती उपाय आहेत ज्याद्वारे उच्च रक्तदाबावर नियंत्रण मिळविता येते. जाणून घेऊया काय आहेत हे उपाय
मुंबई, आजच्या धावपळीच्या आणि स्पर्धात्मक युगात उच्च रक्तदाब (High BP) ही एक सामान्य मात्र गंभीर समस्या बनली आहे. त्याला सायलेंट किलर (Silent Killer) असेही म्हणतात. याचे मुख्य कारण म्हणजे तणाव आहे. जास्त ताण घेतल्याने उच्च रक्तदाबाची समस्या उद्भवते. या स्थितीत, व्यक्तीला अंधुक दृष्टी, तीव्र डोकेदुखी, नाकातून रक्त येणे, छातीत दुखणे सुरू होते. यासोबतच श्वास घेताना अस्वस्थता आणि थकवा जाणवतो. अशा परिस्थितीत, त्वरित डॉक्टरांचा सल्ला घ्यावा. निष्काळजीपणामुळे हा आजार धोकादायक ठरतो. जर तुम्हीही उच्च रक्तदाबाचे रुग्ण असाल आणि उच्च रक्तदाबावर नियंत्रण ठेवायचे असेल तर मधाचे सेवन करणे फायदेशीर ठरू शकते. याशिवाय स्वयंपाकघरात असलेल्या वस्तूंचे मधासोबत सेवन केल्यास उच्च रक्तदाबात लवकर आराम मिळतो.
मध
साखरेच्या रुग्णांना गोड पदार्थ खाण्यास मनाई आहे हे आपण सर्व जाणतो. यासाठी डॉक्टर मधुमेही रुग्णांना साखरेऐवजी मधाचे सेवन करण्याचा सल्ला देतात. यामध्ये नियासिन, व्हिटॅमिन बी6, व्हिटॅमिन सी कार्बोहायड्रेट्स, रिबोफ्लेविन आणि अमिनो ॲसिड असतात, जे आरोग्यासाठी फायदेशीर असतात. याव्यतिरिक्त, मधामध्ये कमी ग्लायसेमिक तत्व असतात. मध आणि पाण्याच्या सेवनाने उच्च रक्तदाब नियंत्रणात येतो.
सुंठ
तज्ज्ञांच्या मते, सुंठामध्ये व्हिटॅमिन ए, व्हिटॅमिन सी, लोह, कॅल्शियम, मॅग्नेशियम, फायबर, फॉलिक ॲसिड आणि फॅटी ॲसिड यांसारखे आवश्यक पोषक घटक आढळतात, जे आरोग्यासाठी फायदेशीर आहेत. याच्या सेवनाने उच्च रक्तदाबावर आराम मिळतो. यासाठी सुंठ पावडरमध्ये मध मिसळून सेवन करा. लक्षात ठेवा सुंठ हे गरम प्रकृतीचे असल्याचे. मर्यादित प्रमाणात याचे सेवन करा. मध आणि सुंठ यांचे सेवन केल्यास उच्च रक्तदाबावर आराम मिळतो. ज्यांना उष्णतेचा त्रास आहे त्यांनी डॉक्टरांच्या सल्ल्याने याचे सेवन करावे.