लघवीच्या रंगावरून मिळतात मधुमेहाचे संकेत, ही लक्षणे दिसली तर समजा गंभीर आहे आजार
Symptoms of Diabetes in Urine Colour : मधुमेह हा असा आजार आहे ज्यामध्ये रक्तातील साखरेचे प्रमाण वाढते आणि ही साखर किडनीत जाते. किडनी आपल्या शरीरातील विषारी द्रव्यांसह अतिरिक्त द्रव काढून टाकते. हा द्रव म्हणजे लघवी. लघवीच्या रंगावरून मधुमेहाची लक्षणे ओळखता येतात.
नवी दिल्ली : खराब जीवनशैलीमुळे मधुमेह (Diabetes) होतो. मधुमेह हे अनेक आजारांचे मूळ आहे. या आजारात रक्तातील साखरेची पातळी (blood sugar increases) वाढते. हा एक अतिशय धोकादायक आजार आहे. यामुळे संपूर्ण जग त्रस्त आहे. जागतिक आरोग्य संघटनेच्या आकडेवारीनुसार, जगात 422 दशलक्षाहून अधिक लोक मधुमेहाने ग्रस्त आहेत. जेव्हा स्वादुपिंडात तयार होणारे इन्सुलिन कमी होते किंवा तयार होत नाही, तेव्हा ग्लुकोज रक्तात शोषले जाऊ शकत नाही आणि ते रक्ताच्या शिरामध्ये वाहत राहते. इन्सुलिन स्वतः रक्तातील साखर शोषून घेते. जेव्हा इन्सुलिनची कमतरता असते तेव्हा रक्तामध्ये सर्वत्र साखर वाढू लागते आणि त्याचा परिणाम लघवीवरही होतो.
मधुमेहाचे पहिले लक्षण बहुधा लघवीच्या रंगात दिसून येते. लघवीचा रंग इतरही अनेक आजारांचे संकेत देत असला, तरी इतरही काही चिन्हे असतील तर हे निश्चितपणे मधुमेहाचे लक्षण आहे. या परिस्थितीत, डॉक्टरांशी त्वरित संपर्क साधावा.
मधुमेहाची लक्षणे
1) लघवीचा गढूळ रंग
हेल्थलाइनच्या बातमीनुसार, मधुमेहामुळे लघवीचा रंग हलका तपकिरी म्हणजेच ढगाळ होतो. मधुमेहामुळे रक्तातील ग्लुकोजचे प्रमाण वाढते जे संपूर्ण शरीरात पसरू लागते. ही साखर शेवटी लघवीद्वारे बाहेर पडू लागते. तथापि, मूत्रपिंड म्हणजेच किडनी ही रक्तातील साखर आणि इतर गोष्टी फिल्टर करते आणि लघवीद्वारे कचरा आणि अतिरिक्त द्रव काढून टाकते. पण रक्तातील साखरेचे प्रमाण जास्त असल्याने ते गाळता येत नाही. म्हणजे साखरेचे प्रमाणही लघवीत येते. यामुळेच लघवीचा रंग ढगाळ होतो.
2) लघवीच्या गंधात बदल होणे
लघवीमध्ये साखरेचे प्रमाण जास्त असल्यास ग्लुकोजसारखा वास येऊ लागतो. म्हणजेच त्याचा वास फळांसारखा होऊ लागतो आणि गोड वासही येऊ लागतो. काही लोकांमध्ये, या लक्षणाच्या आधारे, हे समजू शकते की त्या व्यक्तीला मधुमेह झाला आहे. लघवीमध्ये साखर असल्यास व त्याचा वास फळांसारखा येत असल्यास त्वरित डॉक्टरांशी संपर्क साधावा.
3) जास्त भूक लागणे
मधुमेहाच्या रुग्णांना लगेच भूक लागते. यासोबतच खूप थकवाही येतो. जास्त भूक लागली असेल, वारंवार तहान लागली असेल आणि वारंवार लघवी होत असेल तर त्याला मधुमेह होण्याची शक्यता जास्त असते. मधुमेहात हातपायांना मुंग्या येणेही सुरू होते. त्यामुळे जर ही लक्षणे लघवीच्या रंगासोबत जाणवत असतील तर नक्कीच तुम्हाला मधुमेह आहे.