NASA | नासाने मान्य केलं की पृथ्वीबाहेरही वेगळे जीव आहेत, UFO संदर्भात 33 पानांच्या अहवालात धक्कादायक दावे

LOGO_NASA

Image Credit source: socialmedia

नवी दिल्ली | 14 सप्टेंबर 2023 : मेक्सिकोच्या संसदेने एलियन म्हणजे परग्रहवासियांच्या तब्बल एक हजार वर्षे पुरातन ममी मिडीयासमोर सादर केल्याने खळबळ सुरु केली आहे. त्यामुळे पृथ्वी शिवाय अन्यत्र आपल्यापेक्षा प्रगत संस्कृती आहे का ? याविषयी पुन्हा चर्चेला तोंड फुटले आहे. जर परग्रहवासीय अस्तित्वात आहेत तर ते आपल्याशी संपर्क का करीत नाहीत ? त्यांच्या अस्तित्वाचा आपल्याला अजून पत्ता कसा लागत नाही अशा चर्चा गेली अनेक वर्षे सुरु आहेत. नासाने तर अथांग पसरलेल्या विश्वात आपल्यासारखे कोणी सजीव आहेत का याच्या शोधासाठी वॉयजर-1 आणि वॉयजर-2 ही याने पाठविली आहेत. त्यातच आता नासाने युएफओवर आपला 33 पानी अहवाल सादर केला आहे.

परग्रहांवर कुठे आपल्यासारखी किंवा आपल्याहून अत्यंत प्रगत मानव आहेत का ? याची मानवाला पहिल्या पासून उत्सुकता आहे. परंतू या संदर्भात अनेक हॉलिवूड आणि बॉलिवूड चित्रपट येऊन गेले आहेत. युएफओ आकाशात पाहिल्याच्या अनेक घटना परदेशात छातीठोकपणे सांगितल्या जात असतात. आता अमेरिकन अंतराळ संशोधन संस्था नासा गुरुवारी युएफओवर आधारित आपला बहुप्रतिक्षित रिपोर्ट सादर केला आहे. नासाने या अहवालावर एक वर्षे अभ्यास केल्यानंतर तो सादर केला आहे. ज्यामुळे जगाचे याकडे लक्ष लागले आहे. या 33 पानाच्या अहवालात नासाने म्हटले आहे की या विषयाचा अधिक विस्तृत अभ्यासासाठी प्रगत तंत्रज्ञान आणि सॅटलाईट्सची गरज आहे. नासाने हे मान्य केले की युएफओ आपल्या ग्रहावरील सर्वात मोठ्या रहस्यांपैकी एक आहे. हा अहवाल सादर करीत नासाचे प्रबंधक बिल नेल्सन यांनी म्हटले की या ब्रह्मांडात पृथ्वी शिवाय देखील वेगळे जीवन आहे.

लोकांचा रस वाढणार

नासाने म्हटले आहे की आम्ही नव्या योजनेत ग्रह आणि तेथील वातावरण आणि एलियन यांच्या शोधासाठी देखील प्रयत्न करीत आहोत. युएफओच्या संशोधनासाठी नवीन संचालकाची घोषणा केली जाईल असेही त्यांनी सांगितले. मेक्सिकोच्या संसदेत कालच एलियनचे दोन जतन केलेले मृतदेह सादर करण्यात आले आहेत. या मृतदेहांच्या हातांना तीन बोटं आहेत. एलियन्सचे मृतदेह युएफओ तज्ज्ञ जॅमी मौसान यांनी प्रथमच जगासमोर आणले आहेत. त्यामुळे आता येत्या काळात एलियन आणि युएफओच्या संदर्भात लोकांचा रस पुन्हा वाढ शकतो असे म्हटले जात आहे.