Iran Israel War : रशिया, चीन नव्हे तर इराण यांच्या बळावर इस्रायलला देतोय आव्हान, पाहा कोण आहेत ते

israel and iran war

हेजबोलाचा प्रमुख हसन नसरुल्लाह याचा खात्मा इस्रायलने केल्यानंतर चवताळलेल्या इराणने इस्रायलवर एकापाठोपाठ 200 क्षेपणास्रे डागल्याने खळबळ उडाली आहे. या हल्ल्यानंतर इस्रायलचे पंतप्रधान नेतान्याहू यांनी देखील प्रत्युत्तरादाखल कारवाई केली आहे. इराणचे सर्वोच्च नेता अयातुल्ला खामेनेई यांनी या हल्ल्याचा कठोर शब्दात निषेध करीत भविष्यात इस्रायलवर पु्न्हा जशाच जसे उत्तर देणार असल्याचे म्हटले आहे. इस्रायलच्या पाठीशी अमेरिका असताना इराणने हे धाडस कसे काय केले याचे जगाला कोडे पडले आहे.

इस्रायलवर इराण दोनशे क्षेपणास्र डागून खुले चॅलेंज दिले आहे. त्यानंतर या दोन्ही देशात युद्ध भडकणार असल्याचे म्हटले जात आहे. या हल्ल्यापूर्वी इराणने रशियाची पूर्व परवानगी घेतल्याचे म्हटले जात आहे. रशियाच्या या निर्णयाने इस्रायलला मोठा धक्का बसल्याचे म्हटले जात आहे. परंतू आता मध्य पूर्वेत युद्ध भडकणार असल्याचे म्हटले जात आहे. जगाची नजर आता इस्रायल काय करणार याकडे लागली आहे. अशात इस्रायल इराण विरोधात कमजोर पडला की काय अशी शंका घेतली जात आहे. तसेच इराण एवढी ताकद कशी आली याची देखील चर्चा सुरु आहे. अखेर कोणाच्या बळावर इराणने इतके मोठे पाऊल उचलले याची देखील चर्चा सुरु आहे.

इराणकडे मिसाईलचा खजाना

इराणला अनेक अरब देशाचे समर्थन आहे. खास करुन लेबनॉन आणि कुवैत हे ते देश आहेत.हे देश इराण सोबत उभे असून वेळ प्रसंगी युद्धात देखील इराणच्या बाजूने उतरु शकतात असे म्हटले जात आहे. तसेच इराणकडे मोठे शस्र भंडार आहे. इराण जवळ आधुनिक क्षेपणास्रे आणि शस्रास्रं आहेत. ज्यात अबू महदी मिसाईल, फतह हायपरसॉनिक बॅलिस्टीक मिसाईल, मुहाजिर – 10 ड्रोन ही क्षेपणास्र इस्रायलच्या साठी मोठी आव्हान ठरु शकतात. इराणच्या सर्वात खतरनाक मिसाईल पैकी एक खुर्ज (Khorramshahr) ही मानली जात आहे. त्यामुळे इस्रायलला दोन हात करताना विचारपूर्वक पाऊले उचलावी लागत आहेत.