ऐकावं ते नवलंच, तुमच्या हस्ताक्षराचा फॉन्ट बनवून करा टायपिंग, कसं शक्य? वाचा

आपण कधी विचार केला आहे का की आपण स्वत: चे हस्ताक्षर वापरून संगणकावर टाइप करू शकता? काही ऑनलाइन टूल्सच्या मदतीने तुम्ही तुमचे लिखाण डिजिटल फॉन्टमध्ये रुपांतरित करू शकता. मग तो फॉन्ट तुम्ही वापरून मेसेज किंवा तुमचे लेखन लिहिण्यासाठी टाईप करू शकता. स्वत:च्या हस्ताक्षरात टायपिंग करणे खूप मनोरंजक असू शकते. तुम्हालाही लिहिण्यासाठी असा टाईप हवा असेल तर काही ऑनलाइन टूल्सचा वापर करता येईल.

तुम्ही फॉन्टच्या माध्यमातून टायपिंग करत असता. आता तुम्ही नवीन तंत्रज्ञाच्या या काळात तुमच्या स्वतःच्या लेखनाचा फॉन्टही बनवू शकता. ऑनलाइन पद्धतीचा वापर करून तुमचे हस्तलेखन फॉन्ट तयार करणे अगदी सोपे आहे. आपण आपल्या हस्तलिखितासाठी फॉन्ट तयार करू इच्छित असल्यास, ते कसे करावे ते जाणून घेऊयात.

हस्तलेखन फॉन्ट तयार करण्यासाठी ऑनलाइन टूल्स

Microsoft Font Maker: हे मायक्रोसॉफ्टचे एक सॉफ्टवेअर आहे जे आपल्याला आपले हस्तलेखन डिजिटल फॉन्टमध्ये रूपांतरित करण्यास मदत करते.

Calligraphr.com: हे आणखी एक लोकप्रिय ऑनलाइन साधन आहे जे तुम्हाला तुमचे अक्षर ऑनलाईनपद्धतीने फॉन्टमध्ये रूपांतरित करण्यास अनुमती देते.

ही साधने कशी वापरावीत?

फॉन्ट मेकर टूल्स कसे वापरावे–

तुम्हाला जर तुमच्या स्वतःच्या हाताने लिहिल्या अक्षराचा नमुना तयार करणे आवश्यक आहे. त्यात इंग्रजीतील सर्व अक्षरे, संख्या आणि काही विशेष चिन्हांचा समावेश असावा. नमुना मायक्रोसॉफ्ट फॉन्ट मेकरमध्ये डिजिटल पद्धतीने सबमिट करावा लागेल, तर calligrapher.com प्रिंटआऊट काढून आपल्या हस्ताक्षराने मजकूर लिहून तो स्कॅन करावा लागेल किंवा फोटो काढावा लागेल.

आता तुम्हाला तुमचा तयार केलेला नमुना निवडलेल्या टूलवर अपलोड करावा लागेल.

टूल तुम्हाला तुमचा फॉन्ट तयार करण्यासाठी अनेक पर्याय देते. आपण फॉन्ट आकार आणि शैली बदलू शकता.

फॉन्ट आवडला की तो डाऊनलोड करू शकता.

तुम्ही डाउनलोड केलेला फॉन्ट कोणत्याही टेक्स्ट एडिटर किंवा डिझाइन सॉफ्टवेअरमध्ये वापरू शकता.

काही प्रकरणांमध्ये हा फॉन्ट तुमच्या मोबाईलमध्येही काम करू शकतो. मात्र, यासाठी फोन किंवा ॲप या फॉन्टला सपोर्ट करते की नाही हे तपासावे लागेल.