जगातला सर्वात महागडा पदार्थ कोणता? 1 ग्राम खरेदीसाठी लहान-मोठे अनेक देशही विकावे लागतील….

Image Credit source: social media

नवी दिल्लीः जगात सर्वात महागडा पदार्थ (Most Expensive Material In The World)  कोणता, असं विचारलं असता आपल्यासमोर सोनं (Gold), चांदी, हिरे, प्लॅटिनम यापैकी काही चित्र डोळ्यासमोर येतात. पण यापेक्षाही एक महाग पदार्थ जगात अस्तित्वात आहे. आपल्या कल्पनेच्याही पलिकडे याची किंमत आहे. एखादी व्यक्ती हा पदार्थ खरेदी करू शकेल की नाही, हेही सांगता येत नाही. कारण हा 1 ग्राम पदार्थ खरेदी करण्यासाठी जगातले अनेक छोटे-मोठे देशही विकावे लागतील. इंटरनेटवर (Internet) अनेकांनी जगातील सर्वात महागडा पदार्थ कोणता, असा प्रश्न विचारला असता, आपण आतापर्यंत न ऐकलेलं उत्तर आलं.

तर हिरा आणि प्लॅटिनमपेक्षाही महाग असलेल्या या पदार्थाचं नाव आहे अँटीमॅटर म्हणजेच प्रतिपदार्थ. जगातील हा सर्वात मौल्यवान धातून आहे.

हा पदार्थ जगात सर्वात मौल्यवान मानला जातो. नासाच्या मते या धातूच्या 1  ग्राम तुकड्याचे वजन 62.5 ट्रिलियन डॉलर म्हमजेच भारतीय चलनानुसार जवळपास 5000 अब्ज रुपयांपेक्षाही जास्त आहे.

या धातूचं वैशिष्ट्य म्हणजे तो इतर धातूंप्रमाणे खाणीत किंवा वातावरणात इतरत्र सापडत नाही. तर प्रयोगशाळेत तयार होतो.

अंतराळात या पदार्थाचा शोध लागला. ब्लॅकहोलमध्ये ताऱ्यांचे दोन भाग झाल्याच्या घटनेतून या पदार्थाची निर्मिती झाली. या पदार्थात असामान्य ऊर्जा असते.

सर्न येथील प्रयोगशाळेत सर्वात आधी पदार्थ तयार केला गेला. पहिल्यांदा तो बनवला तेव्हा फक्त १० नॅनोग्राम एवढ्या वजनाचा तयार केला गेला. हा पदार्थ तयार करण्यासाठीची प्रक्रिया खूप खर्चिक आहे.

शास्त्रज्ञ सध्या या धातूवर संशोधन करत आहेत. याचा वापर अनेक महत्त्वाच्या गोष्टींसाठी होऊ शकतो. विशेषतः वैद्यकीय क्षेत्रात. कँसरसारख्या आजारांमध्ये अँटीमॅटरचा वापर होऊ शकतो.

सामान्य इंधनाच्या तुलनेत अँटीमॅटरमधील ऊर्जा कित्येक पटींनी जास्त आहे. त्यामुळे रॉकेट फ्यूएलसाठी याचा वापर होऊ शकतो. पण हा पदार्थ बनवणं एवढं सोपं नाहीये. त्यामुळेच तो सर्वसामान्यपणे खरेदी करता यावा, तो कमी खर्चात कसा बनवता येईल, त्याची ऊर्जा कुठे कुठे वापरता येईल, यावर सध्या शास्त्रज्ञांचं संशोधन सुरु आहे.