मराठा आरक्षणावरील स्थगिती उठवण्याबाबत चर्चा, अशोक चव्हाणांची शरद पवारांसोबत बैठक
मराठा आरक्षण समितीचे प्रमुख आणि काँग्रेस नेते अशोक चव्हाण यांनी शरद पवारांची भेट घेतली. (Ashok Chavan Meeting with Sharad Pawar on Maratha Reservation)
मुंबई : मराठा आरक्षणाच्या मागणीसाठी मराठा समाज आक्रमक झाला आहे. राज्यात ठिकठिकाणी आंदोलन केल्यानंतर मराठा समाजातर्फे आज सोलापुरात आंदोलन केले जात आहे. मराठा आरक्षण आणि आंदोलन या सर्व घटनांच्या पार्श्वभूमीवर मराठा आरक्षण समितीचे प्रमुख आणि काँग्रेस नेते अशोक चव्हाण यांनी शरद पवारांची भेट घेतली. (Ashok Chavan Meeting with Sharad Pawar on Maratha Reservation)
यावेळी अशोक चव्हाणांनी मराठा आरक्षणाबाबत पुढील रणनितीबाबत चर्चा केली. यशवंतराव चव्हाण प्रतिष्ठानमध्ये ही बैठक पार पडली. या बैठकीला राष्ट्रवादीचे प्रदेशाध्यक्ष जयंत पाटील उपस्थितीत होते. “मराठा आरक्षणाबाबत काही कायदेशीर मुद्दे आहेत. त्याबाबत मुख्यमंत्री उद्धव ठाकरेंबरोबर चर्चा झाली होती. त्याची माहिती शरद पवारांना दिली,” अशी प्रतिक्रिया अशोक चव्हाण यांनी या बैठकीनंतर दिली.
“मराठा आरक्षणावरील स्थगिती उठण्यासाठी जे प्रयत्न सुरु आहेत. त्याची माहिती या बैठकीत शरद पवारांना दिली. त्यांच्याशी चर्चा केली. त्यांनीही याबाबत आपली मतं मांडली. सर्वोच्च न्यायालयात जायचं आहे. त्याची तयारी सुरू आहे. त्याबाबत शरद पवारांशी चर्चा केली,” असे अशोक चव्हाण यांनी सांगितले.
“आपण न्यायालयात जातो आहे. घटनापीठ लवकर स्थापन व्हावं यासाठी आपण मुख्य न्यायमूर्तींकडे प्रयत्न करतो आहे,” असेही अशोक चव्हाण म्हणाले.
“लोकल सेवा सुरु करायच्या की बंद ठेवायच्या याचा निर्णय परिस्थितीचा विचार करून घेतला जातो आहे,” असे अशोक चव्हाण यांनी मनसेच्या आंदोलनाबाबत सांगितले.
“कोणत्या नेत्यांना आरक्षण नको आहे, असे भाजप नेते चंद्रकांत पाटील यांनी स्पष्ट करावं. वेगवेगळी विधानं टाळून यात एक वाक्यता असायला हवी,” असेही अशोक चव्हाणांनी सांगितले.
“कृषी विधेयकामुळे शेतकऱ्यांची गळचेपी”
“केंद्र सरकारने मांडलेल्या कृषी विधेयकामुळे शेतकऱ्यांची गळचेपी होतं आहे. मध्यस्थांचा फायदा होतो आहे. याला काँग्रेसचा विरोधचं आहे. पण शिवसेना आणि राष्ट्रवादीने सभात्याग का केला ते त्यांनाच विचारा. राज्यात आम्ही एकत्र आहोत, केंद्रांतही एकत्र असायला हवं होतं. शेतकरी हितासाठी काँग्रेस लढत आहे, तिथे सगळ्यांनी एकत्र येऊन शेतकर्‍यांचे हात मजबूत केले पाहिजेत,” असे अशोक चव्हाण म्हणाले.(Ashok Chavan Meeting with Sharad Pawar on Maratha Reservation)
संबंधित बातम्या :
Maratha Reservation Agitation Live | खासदार जयसिद्धेश्वर स्वामी यांच्या मठाबाहेर आंदोलन