‘कोरोना रुग्णांना कुणी बेड देता का हो बेड?’ भीम आर्मीचं पुणे जिल्हाधिकारी कार्यालयाबाहेर आंदोलन
पुण्यात जिल्हाधिकारी कार्यालयाबाहेर भीम आर्मीने अनोखं आंदोलन केलं (Bhim Army agitation against shortage of beds in Pune).
पुणे : वाढत्या कोरोना रुग्णांच्या पार्श्वभूमीवर पुण्यात मोठ्या प्रमाणात कोरोना रुग्णांना बेडची कमतरता जाणवत आहे. त्यामुळेच महानगरपालिका आणि जिल्हा प्रशासनाने लक्षणं नसलेल्या कोरोना रुग्णांवर घरीच उपचार करण्याचा निर्णय घेतलाय. हाच मुद्दा पकडून पुण्यात जिल्हाधिकारी कार्यालयाबाहेर भीम आर्मीने अनोखं आंदोलन केलं (Bhim Army agitation against shortage of beds in Pune). ‘कोरोना रुग्णांना कुणी बेड देता का हो बेड?’ असं म्हणत भीम आर्मीने जिल्हा प्रशासनाच्या हतबलतेवर निशाणा साधला. तसेच बेडच्या कमतरतेवर प्रशासनाचं लक्ष वेधलं.
भीम आर्मीने जिल्हाधिकारी कार्यालयाबाहेर रुग्णालयातील बेड आणून ठेवत ‘कोरोना रुग्णांना कुणी बेड देतं का बेड?’ असं म्हणत आंदोलन केलं. यावेळी भीम आर्मीने जिल्हा प्रशासनाच्या आरोग्य सुविधांवर अनेक प्रश्न उपस्थित केले. तसेच अधिकचे बेड उपलब्ध करुन देण्याऐवजी रुग्णांना घरीच ठेवण्यावर आक्षेप घेतला.
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
लॉकडाऊनचे निर्बंध शिथिल, पुण्यातील बाजार सुरु
दरम्यान, पुण्यात आजपासून लॉकडाऊनचे निर्बंध शिथिल झाले आहेत. त्यामुळे आता मार्केट यार्डातील वेळांमध्ये देखील बदल करण्यात आला आहे. यापुढे गुळ आणि भुसार बाजारातील दुकाने सकाळी 9 ते सायंकाळी 5 या वेळेत सुरु राहतील. 5 वाजल्यानंतर कोणतेही व्यवहार करु नये, प्रत्येक व्यापाऱ्याने ग्राहकासा मास्क लावणे बंधनकारक करावे, ग्राहकांमध्ये 3 ते 4 फुटांचे अंतर ठेवावे, अशा सूचना जिल्हा प्रशासनाने दिल्या आहेत. दुकानांमध्ये ग्राहकांची गर्दी दिसून आल्यास संबंधितांवर कडक कारवाई करत तात्काळ दुकान बंद करू, असा इशारा देण्यात आला आहे.
फूल बाजार उद्यापासून (25 जुलै) 50 टक्के क्षमतेने अटी आणि नियमानुसार सुरु राहिल. उत्तमनगर बाजार देखील शुक्रवारपासून 6 ते 10 वेळेत खरेदी विक्रीसाठी खुला असेल. मांजरी उपबाजार शनिवारपासून (25 जुलै) दुपारी 12 ते सायंकाळी 5 या वेळेत सुरु राहिल.
हेही वाचा :
विधानसभा निवडणुकीवेळी आयोगाकडून भाजपच्या IT सेलचा वापर, पृथ्वीराज चव्हाणांचा गंभीर आरोप
Bhim Army agitation against shortage of beds in Pune