पीपीई किट घालून 30 तास प्रवास, बॉलिवूड अभिनेत्याचा साखरपुडा

मुंबई : बॉलिवूड अभिनेता अंशुमन झा याने अमेरिकेत जाऊन गर्लफ्रेंडशी साखरपुडा केला. भारतातून विशेष विमानाने यूएसला जाण्यासाठी अंशुमनला पीपीई किट घालून 30 तास विमान प्रवास करावा लागला. (Bollywood Actor Anshuman Jha engaged travels 30 hours wearing PPE Kit to meet Girlfriend in America)

‘लव्ह, सेक्स, और धोका’, ‘मोना डार्लिंग’, ‘अंग्रेजी में कहते है’ यासारख्या चित्रपटात अंशुमन झा याने भूमिका साकारल्या आहेत. परी, फगली यासारख्या सिनेमातही त्याने लहानशा व्यक्तिरेखा साकारल्या. तर अनेक जाहिरातीतही त्याने काम केले आहे.

कोरोनाच्या पार्श्वभूमीवर उद्भवलेल्या परिस्थितीमुळे अंशुमन गेले चार महिने घरातच होता. जानेवारी महिन्यात त्याच्या आईचे कर्करोगाने निधन झाले. एकटेपणा दूर करण्यासाठी अंशुमनने गर्लफ्रेंडला अमेरिकेला भेटायला जाण्याचा निर्णय घेतला.

अंशुमन ‘वंदे मातरम्’ योजने अंतर्गत विमानाने अमेरिकेला केला. त्याने 30 तास पीपीई किट घालून प्रवास केला. प्रवासात त्याने केवळ ड्रायफ्रुट्स खाल्ले होते. अमेरिकेत पोहोचल्यावर त्याला दोन आठवडे क्वारंटाइन राहावे लागले.

अंशुमनने इन्स्टाग्रामावर गर्लफ्रेंड सिएरासोबतचा फोटो शेअर करत साखरपुडा झाल्याचे सांगितले. अंशुमनची होणारी बायको सिएरा अमेरिकेत राहते. त्यांची पहिली ओळख धर्मशाला येथे झाली होती. आपल्या आईवरील कर्करोगाच्या उपचारासाठी अंशुमन सोबत गेला होता.