भारताचे लष्कर प्रमुख जनरल नरवणे 4 दिवसीय सौदी अरब आणि UAE दौऱ्यावर जाणार
भारताचे लष्कर प्रमुख जनरल एम. एम. नरवणे (Army chief Gen Naravane) पुढील आठवड्यात महत्त्वाच्या आंतरराष्ट्रीय दौऱ्यावर जाणार आहेत.
नवी दिल्ली : भारताचे लष्कर प्रमुख जनरल एम. एम. नरवणे (Army chief Gen Naravane) पुढील आठवड्यात महत्त्वाच्या आंतरराष्ट्रीय दौऱ्यावर जाणार आहेत. हा दौरा 4 दिवसीय असून त्यात ते सौदी अरब आणि संयुक्त अरब अमिरात (UAE) या दोन देशांना भेट देणार आहेत. या भेटीत ते दोन्ही देशांशी संरक्षणविषयक संबंध अधिक मजबूत करण्यावर भर देतील. भारताच्या लष्कर प्रमुखांनी सौदी अरबला भेट देण्याची ही पहिलीच वेळ आहे. नरवणे तेथे सौदी नॅशनल डिफेन्स युनिव्हर्सिटीमध्ये व्याख्यान देणार आहेत (Indian Army chief General M M Naravane will go Saudi Arabia and UAE next week on a Four day visit).
सूत्रांनी दिलेल्या माहितीनुसार, जनरल नरवणे रविवारी (6 डिसेंबर) या दौऱ्यावर रवाना होण्याची शक्यता आहे. लष्कर प्रमुखांचा हा सौदी अरब आणि संयुक्त अरब अमिरतचा दौरा 4 दिवसांचा असणार आहे. या दौऱ्यांच्या कार्यक्रमांना अंतिम रुप दिलं जात आहे. लवकरच याची माहिती समोर येण्याची शक्यता आहे.
लष्करप्रमुख जनरल एम एम नरवणे पहिल्यांदा सौदी अरबला भेट देतील. या दौऱ्यात ते दोन्ही देशांच्या सैन्यदल प्रमुखांशी देखील चर्चा करणार आहेत. मागील काही वर्षांपासून सौदी अरब आणि यूएईसोबत भारताचे घनिष्ट संबंध तयार झाल्याचं पाहायला मिळालं आहे. त्या पार्श्वभूमीवर होत असलेला हा दौरा त्यामुळेच महत्त्वाचा मानला जात आहे.
भारतीय सैन्यात तिसऱ्या डेप्युटी चीफ (स्ट्रेटर्जी) पदाला मंजूरी
दरम्यान, भारतीय सैन्यासाठी मोठी बातमी आहे. आता भारतीय सैन्याच्या ‘आर्मी हेडक्वॉर्टर’च्या पुनर्गठनाला मंजूरी देण्यात आली आहे. यानंतर आता तिसऱ्या डेप्युटी चीफ (स्ट्रेटर्जी) पदाचा मार्ग मोकळा झाला आहे. सध्या भारतीय सैन्यात दो डेप्युटी चीफ होते. डेप्युटी चीफ ऑफ आर्मी स्टाफ (इन्फॉर्मेशन सिस्टम अँड ट्रेनिंग) आणि डेप्युटी चीफ ऑफ आर्मी स्टाफ (प्लॅनिंग अँड सिस्टम) अशी त्यांची नावं होती.
हेही वाचा :
आधी PoK मध्ये पिनपॉईंट स्ट्राईकची चर्चा, आता भारतीय सैन्यानं वृत्त फेटाळलं
व्हिडीओ पाहा :
Indian Army chief General M M Naravane will go Saudi Arabia and UAE