Udaipur Interesting Facts : जाणून घ्या उदयपूरविषयी काही मनोरंजक तथ्ये

जाणून घ्या उदयपूरविषयी काही मनोरंजक तथ्ये

नवी दिल्ली : राजस्थानमधील उदयपूरला तलावाचे शहर(द सिटी ऑफ लेक्स) असेही म्हणतात. येथे मोठ्या संख्येने पर्यटक येतात. हे ऐतिहासिक स्थळ पर्यटकांना आकर्षित करते. जर आपण उदयपूरला भेट देण्याची योजना आखत असाल तर अशी बर्‍याच तथ्ये आहेत ज्याबद्दल आपल्याला माहित असले पाहिजे. उदाहरणार्थ जग मंदिर पॅलेस ज्याने शाहजहांला प्रसिद्ध ताजमहाल तयार करण्यास प्रेरित केले. उदयपूर आणि इतर अनेक आश्चर्यकारक तथ्ये जाणून घ्या. (Know the some interesting facts about Udaipur)

जग मंदिराच्या प्रेरणेने बांधला ताजमहाल

जग मंदिर हा पिचोला तलावाच्या बेटावर बांधलेला एक महल आहे. लेक गार्डन पॅलेस म्हणून ओळखल्या जाणारा हा महल राजकुमार खुर्रम उर्फ ​​शाहजहां आणि त्याच्या कुटुंबासाठी एक आश्रयस्थान होते. मुघल बादशहान गुलमहाल येथे मुक्कामी होते आणि भविष्यात प्रसिद्ध ताजमहालच्या बांधकामासाठी जग मंदिरकडून डिझाईन प्रेरणा घेतली.

आशियातील दुसरे सर्वात मोठे कृत्रिम गोड्या पाण्याचे तलाव

उदयपूरपासून 48 कि.मी. अंतरावर जयसमंद तलाव किंवा ढेबर तलाव आशिया खंडातील दुसर्‍या क्रमांकाचे कृत्रिम गोड्या पाण्याचे तलाव आहे. हे महाराणा जयसिंह यांनी 1685 मध्ये गोमती नदीवर धरण बांधून बनवले होते. हा तलाव 14 किमी रूंद आहे, सुमारे 102 फूट खोल आहे आणि त्याचा घेर 48 कि.मी. आहे. भिल्ल जमात तलावाच्या तीन बेटांवर निवास करते. तर दोन मोठ्या बेटांना बाबांचा मगरा म्हणतात. लहान बेट पियारी म्हणून ओळखले जाते.

जगातील दुसरी सर्वात लांब भिंत उदयपुरात

चीनची ग्रेटेटेस्ट वॉल जगातील सर्वात लांब भिंत आहे. तथापि, उदयपूर जवळील कुंभलगड किल्ल्याची भिंत ही जगातील दुसरी सर्वात लांब भिंत आहे. ही भिंत 36 किमीपर्यंत पसरली आहे. हा किल्ला अशा प्रकारे रचला गेला होता की तो आक्रमणकर्त्यांना दिसत नसे आणि शत्रूच्या हल्ल्यापासून किल्ल्याचे रक्षण करण्यासाठी एक भिंतही बांधली गेली.

लिम्का बुक ऑफ रेकॉर्डमधील ट्री हाऊस

उदयपुरात जुन्या आंब्याच्या झाडावर ट्री हाऊस बांधले गेले आहे. केपी सिंग नावाच्या व्यावसायिकाची ही कल्पना होती, ज्याला झाडाला इजा न करता ट्री हाऊस बांधायचे होते. सुरतच्या एका छोट्या कारागिरांनी झाडाची कोणतीही फांद्या न काढता ट्री हाऊस बनवून त्यांचे स्वप्न साकार करण्यास मदत केली. याची नोंद लिम्का बुक ऑफ वर्ल्ड रेकॉर्डमध्येही करण्यात आली आहे. (Know the some interesting facts about Udaipur)

इतर बातम्या

दिलासादायक ! नागपूर सावरतेय, दिवसभरात 319 नवे रुग्ण, मृतांच्या संख्येतही लक्षणीय घट

दररोज करा नारळ पाण्याचे सेवन, आरोग्यासह त्वचेलाही होतील अनेक फायदे