Corona | गणेशोत्सवात चाकरमान्यांना ‘कोकणबंदी’ नाही, विनायक राऊतांचे स्पष्टीकरण

सिंधुदुर्ग : यंदा कोरोनाच्या पार्श्वभूमीवर चाकरमान्यांना कोकणात प्रवेश दिला जाणार का, असा प्रश्न अनेकांकडून उपस्थितीत केला जात आहे. या पार्श्वभूमीवर शिवसेना खासदार विनायक राऊत यांनी स्पष्टीकरण दिले. कोकणात गणेशोत्सवासाठी येणाऱ्या चाकरमान्यांना कोणतीही बंदी नाही, असे विनायक राऊत म्हणाले. (Konkani People allowed to visit Konkan during Ganeshotsav said MP Vinayak Raut)

कोकणातील गणेशोत्सव आणि मुंबईतला चाकरमानी याचं एक वेगळं समीकरणं आहे. मुंबईतील चाकरमानी गणेशोत्सवासाठी कोकणातील मूळगावी जातो. मात्र कोरोनाचा प्रादुर्भाव पाहता शहरात गणेशोत्सव साजरा करण्यावर मर्यादा आल्या आहेत. त्याच पार्श्वभूमीवर जिल्हाधिकाऱ्यांची गणेशोत्सवाच्या पार्श्वभूमीवर बैठक पार पडली. त्यात अधिकाऱ्यांच्या सूचनांची प्रत सोशल मीडियावर व्हायरल झाली. याबाबत दखल घेत विनायक राऊत या प्रकरणावर स्पष्टीकरण दिलं.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

“चाकरमानी आणि गणेशोत्सव हे एक समीकरण आहे. कोकणात येणाऱ्या चाकरमान्यांना कोणतीही बंदी नाही. तसेच जिल्हा प्रशासनाचे वृत्त हा अंतिम निर्णय नसल्याची माहिती विनायक राऊत यांनी दिली.” (Konkani People allowed to visit Konkan during Ganeshotsav said MP Vinayak Raut)

“मात्र कोकणात ज्या ठिकाणाहून चाकरमानी येणार आहेत, त्याच ठिकाणी त्यांची कोविड चाचणी माफक दरात करावी, अशी मागणी विनायक राऊत शासनाकडे करणार आहेत.”

हेही वाचा – गणेशोत्सवात चाकरमान्यांना ‘कोकणबंदी’ केली तर आंदोलन, राणे आक्रमक

तर दुसरीकडे गणेशोत्सवामध्ये कोकणात जाण्यासाठी चाकरमान्यांना बंदी घातली, तर आम्ही आंदोलन करु, असा इशारा भाजप खासदार नारायण राणे यांनी दिला आहे.

“कोकणात यायला कोकणी माणसाला बंदी घातलेले चालणार नाही. त्याचे आई, वडील, पत्नी गावी असतात. कोकणी माणसांसाठी गणेशोत्सव हा महत्त्वाचा सण आहे. गणपती हे आमचे आराध्य दैवत आहे. कोकणात जाण्यासाठी चाकरमान्यांना बंदी घातली, तर आम्ही आंदोलन करु, त्यांना कोणत्याही पासची सक्ती करु नये. कोरोनापासून बचावासाठी प्रत्येक जण आपली काळजी घेईल.” असे नारायण राणे म्हणाले. (Konkani People allowed to visit Konkan during Ganeshotsav said MP Vinayak Raut)

संबंधित बातम्या : 

Ganeshotsav 2020 | यंदा गणेशमूर्तींची उंची 4 फुटांपर्यंतच, मुख्यमंत्र्यांकडून सार्वजनिक गणेशोत्सव मंडळांना 10 सूचना

गणेशोत्सवात चाकरमान्यांना ‘कोकणबंदी’ केली तर आंदोलन, राणे आक्रमक