Maharashtra Corona Update : राज्यातील कोरोनाबाधितांचा आकडा 5649 वर, एका दिवसात 18 बळी

मुंबई : राज्यातील कोरोनाबाधितांची संख्या झपाट्याने वाढत चालली (Maharashtra Corona Update) आहे. राज्यात आज नव्या 431 कोरोना रुग्णांची भर पडली आहे. त्यामुळे महाराष्ट्रातील कोरोनाबाधितांची संख्या 5 हजार 649 वर पोहोचली आहे. मुंबईत कोरोनाबाधितांचा आकडा 3 हजार 683 वर पोहोचला आहे. तर पुणे शहर आणि ग्रामीण भागात एकूण 753 कोरोनाचे रुग्ण आढळले आहेत.

तर दुसरीकडे आज राज्यात 18 कोरोनाबाधितांचा मृत्यू झाला (Maharashtra Corona Update) आहे. यात मुंबईत 10, पुणे 2, औरंगाबाद 2 तर कल्याण डोंबिवली, सोलापूर, जळगाव आणि मालेगावात प्रत्येकी एका रुग्णाचा कोरोनामुळे मृत्यू झाला आहे.

आज मृत्यू झालेल्या रुग्णांमध्ये 14 पुरुष आणि 4 महिलांचा समावेश आहे. यात 18 पैकी 12 रुग्णांमध्ये मधुमेह, उच्च रक्तदाब आणि हृदयरोग अशा स्वरुपाचे अतिजोखमीचे आजार आढळले. त्यामुळे कोरोनामुळे मृत्यू झालेल्या मृत्यूंची संख्या 269 वर पोहोचली आहे.

?राज्यातील एकूण कोरोना रुग्ण – 5649
?आज नवे रुग्ण – 431
?आज मृत्यू – 18 (एकूण 269)
?आज डिस्चार्ज मिळालेले रुग्ण – 67 (एकूण 789)
?मुंबईतील एकूण रुग्ण – 3683
?पुण्यातील एकूण रुग्ण (शहर+ग्रामीण) – 753 (आतापर्यंत मृत्यू- 54)

राज्यातील 722 रुग्ण कोरोनामुक्त

राज्यात कोरोनाचा प्रादुर्भाव काहीसा वाढत असतानाच मंगळवारी एकाच दिवशी कोरोनाच्या 150 रुग्णांना डिस्चार्ज देण्यात आला. ही दिलासादायक बाब असून आतापर्यंत 722 जणांना डिस्चार्ज देण्यात आला. आतापर्यंत डिस्चार्ज देण्यात आलेल्या 722 जणांपैकी सर्वाधिक 441 पुरुष आहे, तर 281 या महिला आहेत. त्यामध्ये 31 ते 50 या वयोगटातील 318 रुग्णांचा समावेश आहे.

त्या खालोखाल 21 ते 30 वयोगटातील 160 रुग्ण बरे झाले आहेत. तर 98 रुग्ण हे 51 ते 60 वयोगटातील आहेत. महत्त्वाची बाब म्हणजे 91 ते 100 वयोगटातील एका तरुणानेही कोरोनावर मात केली आहे, अशी माहिती आरोग्यमंत्री राजेश टोपे यांनी दिली.

राज्यात जास्त रुग्ण मुंबई परिसरात आढळून येत असतानाच बरे होऊन घरी गेलेल्यांमध्ये सर्वाधिक 374 रुग्णसंख्या मुंबईची आहे. त्यापाठोपाठ पुणे महापालिका परिसरात 120 रुग्णांना घरी सोडण्यात आले आहे.

कोरोना रुग्णांची अपडेट आकडेवारी