Maharashtra Corona | राज्यात कोरोनाचे 2,345 नवे रुग्ण, बाधितांचा आकडा 41 हजार 642 वर

मुंबई : राज्यात कोरोनाचा विळखा आणखी घट्ट (Maharashtra Corona Virus Latest Update) होत चालला आहे. राज्यात आज दिवसभरात 2 हजार 345 नवीन रुग्ण वाढले आहेत. त्यामुळे महाराष्ट्रातील कोरोनाबाधितांची संख्या 41 हजार 642 वर पोहोचली आहे. तर आज दिवसभरात 64 जणांचा मृत्यू झाला आहे. त्यामुळे राज्यात आतापर्यंत 1 हजार 454 कोरोनाबळी ठरले (Maharashtra Corona Virus Latest Update) आहेत.

राज्यात आज 1 हजार 408 रुग्णांनी करोनावर मात केली आहे. आतापर्यंत 11 हजार 726 रुग्णांनी कोरोनावर मात केली आहे. या सर्व रुग्णांना रुग्णालयातून डिस्चार्ज देण्यात आला आहे. राज्यात सध्या 28 हजार 454 रुग्णांवर उपाचार सुरु आहे.

मुंबईची स्थिती काय?

मुंबईत आज दिवसभरात 1 हजार 382 नव्या रुग्णांची भर पडली आहे. त्यामुळे मुंबईतील कोरोनाबाधितांची संख्या 25 हजार 500 वर पोहोचली आहे. तर आज दिवसभरात तब्बल 41 जणांचा मृत्यू झाला आहे. त्यामुळे एकूण मृतांचा आकडा आता 882 झाला आहे (Maharashtra Corona Virus Latest Update).

पुण्यात आज किती रुग्ण वाढले?

पुण्यात कोरोनाबाधितांचा आकडा वाढत चालला आहे. आज पुण्यात 208 नवीन कोरोनाबाधितांची भर पडली आहे. त्यामुळे पुण्यातील कोरोनाबाधितांची संख्या 4 हजार 107 वर पोहोचली आहे. तर आज दिवसभरात एकूण 7 जणांचा कोरोनामुळे मृत्यू झाला आहे. त्यामुळे पुण्यात आतापर्यंत 227 कोरोनाबळी ठरले आहेत. पुण्यात आज दिवसभरात 159 कोरोनाबाधित रुग्णांना डिस्चार्ज देण्यात आला आहे. तर आतापर्यंत 2,182 रुग्ण बरे होऊन घरी गेले आहेत. सध्या पुण्यात 1,698 अॅक्टिव्ह रुग्ण आहेत. तर 169 रुग्ण क्रिटिकल असून 44 रुग्ण व्हेंटिलेटरवर आहेत.

राज्यातील अद्ययावत आकडेवारी

Maharashtra Corona Virus Latest Update

संबंधित बातम्या :

Solapur Corona | सोलापुरात मटण विक्रेत्याला कोरोना, 18 जण रुग्णालयात, 63 जण होम क्वारंटाईन

Navi Mumbai Corona | नवी मुंबईत ‘कोरोना’चं थैमान सुरुच, रुग्ण संख्या 1,364 वर

एकाच दिवसात राज्यात चार पोलीस कर्मचाऱ्यांचा ‘कोरोना’ने बळी

सायन हॉस्पिटलच्या डॉक्टरांची कमाल, जीवाची बाजी लावून दीड महिन्याच्या कोरोनाबाधित बाळावर मेंदूची शस्त्रक्रिया