महाराष्ट्रातील ‘कोरोना’बाधित तीन हजारांच्या पार, मुंबईतच 2003 रुग्ण

मुंबई : महाराष्ट्रात 165 नवीन ‘कोरोना’ रुग्णांची नोंद झाली आहे. त्यामुळे राज्यातील ‘कोरोना’बाधितांची संख्या 3081 वर पोहोचली आहे. एकट्या मुंबईत गेल्या काही तासात 107 नव्या रुग्णांची भर पडल्याने आकडा 2003 वर गेला आहे. तीन हजार रुग्णांचा टप्पा ओलांडणारे महाराष्ट्र हे भारतातील पहिले राज्य झाले आहे. (Maharashtra Mumbai Corona Patients Update)

मुंबईमध्ये 107, तर पुण्यात 19 नव्या ‘कोरोना’ग्रस्तांची नोंद झाली आहे. त्याशिवाय नागपूरमधील 11, ठाण्यातील 13 नव्या रुग्णांची भर पडली आहे. पिंपरी-चिंचवड (पुणे) आणि मालेगाव (नाशिक) मध्ये प्रत्येकी चार नवे रुग्ण आढळले आहेत.

याशिवाय, नवी मुंबई आणि वसई-विरार (पालघर) मध्ये प्रत्येकी दोन, तर अहमदनगर आणि पनवेल (रायगड) मध्ये प्रत्येकी एक नवा ‘कोरोना’ रुग्ण सापडला आहे.

हेही वाचा : Corona – जगभराची खबरबात | अमेरिकेत दिवसभरात 2600 ‘कोरोना’बळी, महाराष्ट्रात नवे रुग्ण घटले

मुंबईमध्ये आतापर्यंत 114 जणांना प्राण गमवावे लागले आहेत. महाराष्ट्रात कालच्या दिवसात ‘कोरोना’चे 9 बळी गेले. राज्यातल्या ‘कोरोना’बळींची एकूण संख्या 187 वर गेली आहे.

बुधवारच्या दिवसात राज्यात 232 नव्या रुग्णांची नोंद झाली होती. दिलासादायक गोष्ट ही, की गेल्या सहा दिवसातली ही सर्वात कमी संख्या आहे. गुरुवारी सकाळपर्यंत 165 नवीन रुग्ण सापडले आहेत. नंतरच्या वेळेत रुग्णसंख्या न वाढल्यास राज्याला पुन्हा दिलासा मिळेल.

मुंबईत काल कोरोनाचे 2 रुग्ण दगावले. मुंबईत गेल्या 11 दिवसातले सर्वात कमी ‘कोरोना’बळी काल नोंदवले गेले.

महाराष्ट्रातील ‘कोरोना’ग्रस्तांची ताजी आकडेवारी इथे पाहा :

(Maharashtra Mumbai Corona Patients Update)