Corona Virus | कोरोनाला रोखण्यासाठी मलेरियाचं औषध सज्ज, ICMR ची मंजुरी
हे औषध 15 वर्षांपेक्षा कमी वयाच्या मुलांना दिले जात नाही. शिवाय, ज्या लोकांना डोळ्यासंबंधी कुठला आजार असेल, त्यांनाही हे औषधी दिली जाऊ नये, असं सागितलं आहे.
नवी दिल्ली : कोरोना विषाणूने संसर्ग (Malaria Medicine For Corona) झालेल्या रुग्णांच्या उपचारासाठी इंडियन काऊंसिल ऑफ मेडिकल रिसर्चने मलेरिया तापाच्या उपचारासाठी वापरली जाणाऱ्या औषधाचा वापर करण्यास मंजुरी दिली आहे. भारतीय वैद्यकीय संशोधन परिषदेने (आयसीएमआर) स्थापन केलेल्या राष्ट्रीय टास्क फोर्सने कोविड – 19 च्या उपचारासाठी मलेरियावरील औषध हायड्रॉक्सी-क्लोरोक्विनला (Malaria Medicine For Corona) मंजुरी दिली आहे.
हायड्रॉक्सी-क्लोरोक्विनने कोरोनाचा उपचार
संशयित किंवा कोरोनाबाधित रुग्णांवर उपचार करत असलेल्यांसाठी आरोग्य मंत्रालयाने एक अॅडव्हायझरी जारी केली आहे. ही माहिती सरकारने पत्रकार परिषदेत दिली. आयसीएमआरचे महासंचालक बलाराम भार्गव म्हणाले की, कोरोना विषाणू संशयित किंवा कोरोना पॉझिटिव्ह रुग्णांचा उपचार करत असलेले आरोग्य कर्मचारी किंवा त्यांच्या संपर्कात असलेल्या संसर्गाची अति जोखीम असलेल्यांना (Malaria Medicine For Corona) हायड्रॉक्सी-क्लोरोक्विन देण्यात यावे.
VIDEO : कोरोनावर मलेरियाच्या औषधाची मात्र चालते, ICMR च्या अधिकाऱ्यांची माहितीhttps://t.co/ziTImPBfpw
— TV9 Marathi (@TV9Marathi) March 28, 2020
मर्यादित प्रमाणात वापर करावा
नॅशनल टास्क फोर्स द्वारे शिफारस करण्यात आलेल्या या ट्रीटमेंट प्रोटोकॉलला जनरल कंट्रोलर ऑफ इंडियानेही मान्यता दिली आहे. मात्र, या औषधाचा उपयोग आपातकालिन परिस्थितीत मर्यादित प्रमाणातच करता येईल.
हे औषध लहान मुलांसाठी नाही
हे औषध 15 वर्षांपेक्षा कमी वयाच्या मुलांना दिले जात नाही. शिवाय, ज्या लोकांना डोळ्यासंबंधी कुठला आजार असेल, त्यांनाही हे औषध दिलं जाऊ नये, असं सागितलं आहे.
सल्लामसलतनुसार, हे औषध केवळ नोंदणीकृत वैद्यकीय व्यावसायिकाच्या निर्देशानुसारच द्यावे. तसेच, काही डॉक्टरांच्या मते, डॉक्टरांच्या परवानगीशिवाय हे औषध घेणं धोकादायक ठरु शकतं.
हे औषध घेताना थोडी काळजीही घेणे गरजेचं आहे. हे औषध दिवसाला दोनवेळा 400 मिलीग्राम दिलं जावं. त्यानंतर ते आठवड्याला 400 मिलीग्राम एकदा असं 7 आठवड्यांपर्यंत (Malaria Medicine For Corona) देण्यात यावं.
टीप : कुणीही स्वत:हून हे औषध घेऊ नये. डॉक्टरांच्या सल्ल्यानंतरच या औषधाचा वापर करावा.
संबंधित बातम्या :
Ratan Tata | दिलदार रतन टाटांची दानत, कोरोना रोखण्यासाठी तब्बल 500 कोटींची मदत
परदेशातून आलेल्यांना सरकारी जागेत क्वारंटाईन करा, कोरोना रोखण्यासाठी सामाजिक कार्यकर्त्याचं पत्र
घराकडे जाणाऱ्या स्थलांतरित मजुरांना अन्न-पाणी द्या, गडकरींचे टोलचालकांना निर्देश