एका मुलाखतीमध्ये बोनी कपूर यांनी दिवंगत अभिनेत्री श्रीदेवी हिच्याबद्दल अनेक गोष्टी शेअर केल्या आहेत. श्रीदेवी ही त्यांच्यापेक्षा अधिक आध्यात्मिक होती. तिच्यामुळेच त्याचा अध्यात्मावर विश्वास बसला असे ते म्हणाले.
बोनी कपूर म्हणाले अनेकदा मला अपराधीपणाची भावना येते. पण, ती स्वत:शी खूप प्रामाणिक होती. पहिली पत्नी मोना हिला श्रीदेवीबद्दलच्या भावना समजल्या. ही गोष्ट नंतर माझ्या आईलाही कळली.
एकदा आईने श्रीदेवी हिला मला राखी बांधण्याबद्दल सांगितले. त्यावेळी ती माझ्याकडे पाहतच राहिली. मात्र, मोना हिच्यासोबत घटस्फोट झाल्यानंतर आम्ही 1996 मध्ये लग्न केले.
बोनी कपूर यांना पहिली पत्नी मोना हिच्यापासून मुलगा अंशुला आणि अर्जुन कपूर अशी दोन मुले आहेत. तर, दुसरी पत्नी श्रीदेवीपासून त्यांना जान्हवी कपूर आणि खुशी कपूर अशा दोन मुली आहेत.
बोनी कपूर यांचे श्रीदेवीवर किती प्रेम होते हे सर्वश्रुत आहे. मि. इंडिया या चित्रपटासाठी त्यांनी श्रीदेवी हिच्या मागणीपेक्षा जास्त फी दिली. इतकेच नाही तर या चित्रपटानंतर त्यांनी श्रीदेवीला फी वाढवण्यासही सांगितले.
श्रीदेवी यांनी इंडस्ट्रीवर खूप काळ राज्य केले. तिच्या काळात नायकांपेक्षा जास्त फी घेणारी ती एकमेव अभिनेत्री होती. वयाच्या विशिष्ट टप्प्यावरही त्यांनी अनेक हिट चित्रपट दिले.