Corona : वडिलांना पक्षाघात, नागपुरात एकाच कुटुंबातील तिघांची कोरोनावर मात

नागपूर : शहरात दिवसेंदिवस कोरोना रुग्णांची संख्या (Nagpur Corona Patients) वाढत आहे, गेल्या पाच-सहा दिवसांत कोरोनाच्या रुग्णसंख्येत दुप्पटीने वाढ झाली आहे. या चिंतेच्या वातावरणात एक दिलासादायक बातमी आहे. नागपुरात एकाच कुटुंबातील तिघांनी कोरोनावर मात (Nagpur Corona Patients) केली आहे.

कोरोनाबाधिताच्या संपर्कात आल्याने या परिवारावर संकट कोसळलं होतं. घरातील कर्ता पुरुष, त्याची पत्नी आणि मुलाला कोरोनाची लागण झाली होती. पण, या तिघांनीही हिम्मत हारली नाही. नागपूरातील मेडिकलमधील डॉक्टरांच्या मदतीनं कोरोनाविरोधातील युद्ध यांनी जिंकलं. या तिघांनीही कोरोनावर मात केली आहे. सर्वात महत्त्वाचं म्हणजे वडिलांना पक्षाघात असतानाही त्यांनी कोरोनावर विजय मिळवला आहे.

कोरोनाच्या धास्तीने उपराजधानी चिंताग्रस्त आहे. कोरोनाग्रस्तांचा आकडा 56 वर पोहोचला आहे. खामला येथील रुग्णाच्या संपर्कात आलेल्या 3 कोरोना बाधित आता ठणठणीत बरे झाले आहे (Nagpur Corona Patients). त्यांना घरीही सोडण्यात आलं आहे. घरी येताच या तिघांचीही दृष्ट काढण्यात आली. तिघेही सुखरूप परतल्याने घरच्यांनी समाधान व्यक्त केलं आहे.

कोरोनावर यशस्वीरित्या मात करणाऱ्या नागपुरातील रुग्णांची संख्या आता 11 पोहोचली आहे.

राज्यातील स्थिती काय?

सध्या राज्यातील कोरोनाबाधितांची संख्या 2,684 वर येऊन पोहोचली आहे. तर 259 रुग्ण हे बरे होऊन घरी गेले (Corona Virus Update) आहेत. आजपर्यंत पाठविण्यात आलेल्या 46 हजार 588 नमुन्यांपैकी 42 हजार 808 जणांचे प्रयोगशाळा नमुने कोरोना निगेटिव्ह आले आहेत. तर 2684 जण पॉझिटिव्ह आले आहेत. सध्या राज्यात 67 हजार 701 लोक होम क्वारंटाईनमध्ये असून 5,647 लोक संस्थात्मक क्वारंटाईनमध्ये आहेत.

Nagpur Corona Patients