बुलडाण्यात नग्न चोरट्याने पोलीस स्टेशनसमोरील 7 दुकानं फोडली, हजारोंचा ऐवज लंपास
बुलडण्यातील धाड पोलीस स्टेशनपासून अवघ्या 30 फूट अंतरावर असलेली 7 दुकानं फोडून नग्न चोराने हजारोंचा ऐवज लंपास केला आहे.
बुलडाणा : बुलडाण्यातील धाड पोलीस स्टेशनपासून अवघ्या 30 फूट अंतरावर असलेली 7 दुकानं फोडून (Naked Thief Broke 7 Shops) नग्न चोराने हजारोंचा ऐवज लंपास केला आहे. ही घटना रविवारी रात्री 1 वाजताच्या सुमारास घडली. मात्र चोरी करताना हा नग्न चोरटा सीसीटीव्हीत कैद झाला.
धाडमधील चिरानिया ट्रेडर्स कंपनीच्या छताचे लोखंडी टिनपत्र वाकवून चोरट्याने दुकानात प्रवेश केला. त्यानंतर दुकानाच्या गल्ल्यातून हजारो रुपयांची रोकड लंपास केली. तर लक्ष्मी बिकानेर स्वीटमार्ट फोडून 10 ते 15 हजार रुपयांचं सामान, रॉयल इलेक्ट्रिकल फोडून पॉलिकेप वायरचे 12-13 बंडल, सोनल अॅग्रो ट्रेडर्स, वर्षा इलेक्ट्रिक, रॉयल इलेक्ट्रिकल आणि शेतकरी ट्रेडर्सही फोडले.
मात्र, इतकी दुकान फोडूनही चोरट्याला हजार-दीड हजाराच्या रोकडवरच समाधान मानावे लागले. एकाच रात्री 7 दुकाने फोडल्याने व्यापाऱ्यांमध्ये कमालीची दहशत पसरली आहे. पोलिसांनी लवकरात लवकर चोरट्यांचा बंदोबस्त करावा, अशी मागणी होत आहे.
घरफोडी करणाऱ्या टोळीचा पर्दाफाश, 147 तोळे सोन्यासह 25 लाखांचा ऐवज जप्त, विरार पोलिसांची कारवाईhttps://t.co/9viKqLl8Hb#VirarPolice
— TV9 Marathi (@TV9Marathi) October 10, 2020
Naked Thief Broke 7 Shops
संबंधित बातम्या :
पुण्यात वाळू सप्लायरवर गोळीबार, गोळी गालाला लागून गेल्याने थोडक्यात बचावला
चोराचं धाडस बघा ! चक्क कोरोना रुग्णालयात जाऊन करायचा चोरी; पोलीसही अवाक