पंकजा मुंडेंकडून औरंगाबादेत मोदींच्या स्वागताची जय्यत तयारी
नागपुरात मोदींकडून मेट्रोचं लोकार्पण केलं जाणार होतं. दौरा रद्द झाल्याच्या वृत्ताला भाजपकडूनही दुजोरा देण्यात आलाय. त्यामुळे मोदी फक्त औरंगाबाद आणि मुंबईतील कार्यक्रमालाच हजेरी लावणार आहेत.
पंतप्रधान नरेंद्र मोदी शनिवारी दिवसभर महाराष्ट्र दौऱ्यावर असतील. यामध्ये ते नागपूर, औरंगाबाद आणि मुंबईत विविध कार्यक्रमांना हजेरी लावणं अपेक्षित होतं. पण नागपुरात अतिवृष्टीचा इशारा देण्यात आल्यामुळे मोदींचा दौरा रद्द करण्यात आलाय. नागपुरात मोदींकडून मेट्रोचं लोकार्पण केलं जाणार होतं. दौरा रद्द झाल्याच्या वृत्ताला भाजपकडूनही दुजोरा देण्यात आलाय. त्यामुळे मोदी फक्त औरंगाबाद आणि मुंबईतील कार्यक्रमालाच हजेरी लावणार आहेत.
मोदींच्या औरंगाबादेतील कार्यक्रमाची जबाबदारी पंकजा मुंडे यांच्या खात्याकडे आहे. त्यामुळे पंकजा मुंडे स्वतः गेल्या काही दिवसांपासून तयारीचा आढावा घेत आहेत.
पंकजा मुंडेंनी कार्यक्रमाच्या स्थळी जाऊन सविस्तर आढावा घेतला.
महाराष्ट्र राज्य ग्रामीण जीवनोन्नती अभियान (उमेद) द्वारे शनिवारी दुपारी 12.30 वाजता DMIC, शेंद्रे, औरंगाबाद येथे “सक्षम महिला मेळावा” चं आयोजन करण्यात आलं आहे.
या मेळाव्यामध्ये पंतप्रधान नरेंद्र मोदी, मुख्यमंत्री देवेंद्र फडणवीस आणि ग्रामविकासमंत्री पंकजा मुंडे महिलांना संबोधित करणार आहेत.
कार्यक्रमाची पत्रिका
