पुण्याला कोरोनाचा विळखा, कोरोना पॉझिटिव्ह रुग्णांची संख्या 589 वर

पुणे : राज्यातील मुंबईनंतर सर्वाधिक कोरोना विषाणूचा संसर्ग हा पुण्यात झालेला (Pune Corona Positive Patient) पाहायला मिळत आहे. पुण्यात आज दिवसभरात 9 जणांचे कोरोना रिपोर्ट पॉझिटिव्ह आले आहेत. त्यामुळे पुण्यातील कोरोनाबाधितांची संख्या ही 589 वर पोहोचली आहे. यातील सर्वाधिक रुग्ण हे पुणे शहरात पाहायला मिळत आहे. तर पुण्यात आज एका रुग्णाचा मृत्यू झाला आहे.

पुण्याच्या आरोग्य विभागाने दिलेल्या माहितीनुसार, आज (18 एप्रिल) संध्याकाळी 4 पर्यंत (Pune Corona Positive Patient) पुण्यात 9 जणांचे रिपोर्ट कोरोना पॉझिटिव्ह आले आहेत. त्यामुळे पुणे शहरात कोरोनाबाधितांची संख्या 495 वर पोहोचली आहे. तर पिंपरी चिंचवड भागात 52 कोरोनाग्रस्त रुग्ण आढळले आहेत. त्याशिवाय पुणे ग्रामीण मधील कोरोना रुग्णांची संख्या ही 42 वर पोहोचली आहे.

दरम्यान पुण्यात आतापर्यंत 49 जणांना कोरोनामुळे जीव गमवावा लागला आहे. यात सर्वाधिक 40 मृत्यू हे ससून रुग्णालयात झाले आहेत. तसेच या मृतांमध्ये पुणे शहरात 47, पिंपरी चिंचवड आणि पुणे ग्रामीणमधील एका रुग्णाचा समावेश आहे.

तर दुसरीकडे पुण्यात आतापर्यंत 52 जणांना डिस्चार्ज देण्यात आला आहे. यात पुणे शहरातील 33 रुग्णांचा समावेश आहे. तर पिंपरी चिंचवडमधील 13 आणि पुणे ग्रामीणमधील 6 जण कोरोनामुक्त झाले आहे. या सर्वांचे रिपोर्ट निगेटिव्ह आल्यानंतर त्यांना घरी सोडलं आहे.

589 पैकी 491 बाधित रुग्णांचा आढावा, कोणत्या भागात किती रुग्ण?

1. येवलेवाडी धानोरी – 48
2. नगर रोड वडगाव शेरी – 6
3. वानवडी रामटेकडी – 54
4. हडपसर मुंडवा – 21
5. कोंढवा येवलेवाडी – 9
6. बिबवेवाडी – 20
7. भवानी पेठ -130
8. ढोले पाटील – 61
9. कसबा विश्रांतवाडी – 63
10. शिवाजीनगर घोले रोड – 33
11. औंध बाणेर – 3
12. कोथरुड बावधन – 1
13. वारजे कर्वेनगर – 9
14. सिंहगड रोड – 8
15. पुणे बाहेर – 25

कोरोनाची अद्ययावत आकडेवारी: