Corona Death : पुण्यात दिवसभरातील तिसरा कोरोना बळी, एकूण मृतांचा आकडा…

पुणे : पुण्यात कोरोनाबाधितांच्या संख्येसोबतच (Pune Corona Update) कोरोना बळींची संख्याही वाढत आहे. आज पुण्यात 63 वर्षीय कोरोना बाधित व्यक्तीचा मृत्यू झाला. ससून रुग्णालयात उपचारादरम्यान या व्यक्तीचा मृत्यू झाला. धक्कादायक म्हणजे पुण्यात कोरोनामुळे झालेला हा दिवसभरातला तिसरा मृत्यू आहे. त्यामुळे आता पुण्यातील कोरोना बळींची संख्या 39 वर येऊन पोहोचली आहे. तर पुण्यात आणखी एक कोरोना संशयित (Pune Corona Update) रुग्ण आढळून आला आहे.

आज ससून रुग्णालयात दोन कोरोना बाधित पुरुष रुग्णांचा मृत्यू झाला होता. त्यापैकी एक 73 वर्षीय, तर दुसरा 34 वर्षीय होता. 73 वर्षीय पुरुषाला निमोनिया झालेला होता. तर 34 वर्षीय तरुणाला स्थूलतेचा आजारही होता. त्यानंतर ससून रुग्णालयातच आणखी एका कोरोना बाधिताचा मृत्यू झाला आहे.

पुण्यात आणखी एक कोरोना संशयित

पुणे शहराजवळील वाघोली या उपनगरात आणखी एक कोरोना संशयित रुग्ण आढळला आहे. एका ड्रायव्हरला झाली कोरोनाची लागण झाल्याची माहिती आहे. संशयित रुग्णाचे वय 45 वर्षे आहे (Pune Corona Update). एका खाजगी लॅबचा तपासणी अहवाल कोरोना पॉझिटिव्ह आला आहे. या संशयिताला पुढील तपासणीसाठी नायडू रुग्णालयात दाखल करण्यात आलं आहे. तसेच, कुटुंबांतील व्यक्तींना देखील तपासणीसाठी नायडू रुग्णालयात दाखल करण्यात आली आहे. रुग्णाच्या संपर्कात आलेल्या अनेक व्यक्तींनाही होम क्वारांटाईन करण्यात आलं आहे.

खबरदारीचा उपाय म्हणून प्रशासनाकडून परिसर सील करण्यात आला आहे. त्यामुळे पुढील काही दिवस वाघोली गाव बंद राहणार आहे. लोकांनी घरातच राहून प्रशासनाला सहकार्य करण्याचे (Pune Corona Update) आवाहन ग्रामपंचायतीने केले आहे.

संबंधित बातम्या :

पिंपरीत कोरोनाबाधित अंडी विक्रेत्याचा 85 किरकोळ विक्रेत्यांशी संपर्क, 181 जण क्वारंटाईन

सोनोग्राफी सेंटरमधील रेडिओलॉजिस्टला ‘कोरोना’, पुण्यात 144 गर्भवती क्वारंटाईन

पुण्यात कर्फ्यूच्या व्याप्तीत वाढ, 28 नवीन भागात संचारबंदी, कुठे-कुठे कर्फ्यू लागू?

पुण्यातील ‘ही’ पाच रुग्णालये कोरोनाबाधित रुग्णांसाठी निश्चित