प्रतिकार शक्ती वाढवण्यासाठी ‘सीड मदर’ राहीबाई पोपेरे यांचा मोलाचा सल्ला

अहमदनगर : कोरोना विषाणूच्या संसर्गाने जगभरात हाहाकार माजवला आहे. अशातच त्यावर रामबाण उपाय असलेल्या लसचाही शोध लागणेही अजून बाकी आहे. कोरोनाच्या लढाईत रोगप्रतिकार शक्तीची कमतरता हाही उपचारात कळीचा मुद्दा ठरत आहे. यावर सीड मदर म्हणून प्रसिद्ध राष्ट्रपती पदक विजेत्या पद्मश्री राहीबाई पोपेरे यांनी मोलाचा सल्ला दिला आहे (Rahibai Popere advice for immunity system). कोरोनाशी सामना करण्यासाठी रोगप्रतिकार शक्ती वाढवण्यासाठी गावरान वानांची लागवड करा, असा सल्ला राहिबाई पोपरे यांनी दिला आहे.

राहिबाई पोपेरे म्हणाल्या, “कोणत्याही आजारातून बरे होण्यासाठी प्रत्येकाची प्रतिकार शक्ती उत्तम असणं गरजेचे आहे. संपूर्ण जग कोरोनाचा मुकाबला करतंय. कोरोनाशी सामना करण्यासाठी रोगप्रतिकार शक्ती वाढवायची असेल, तर गावरान वानांची लागवड करायला हवी. शेतकऱ्यांनी प्राधान्याने गावरान वानांची लागवड करावी. गावरान वाण हा सकस आहार असून तो सर्वांना खाण्यास मिळेल आणि त्यामुळे कठीण आजारांवर मात करणे शक्य होईल.”

अहमदनगरमधील अकोले तालुक्यात कोंभाळणे या आदिवासी गावात राहणाऱ्या पद्मश्री राहीबाई पोपेरे आपल्या गावातच गावरान वाणांचं जतन करतात. या लॉकडाऊनच्या काळातही त्यांचं हे काम सुरुच आहे. त्यांनी यावेळी नागरिकांना घरातच थांबण्याचंही आवाहन केलं आहे.

दरम्यान, राज्यातील कोरोनाबाधितांची संख्या झपाट्याने वाढत चालली (Maharashtra Corona Update) आहे. राज्यात 22 एप्रिलला नव्या 431 कोरोना रुग्णांची भर पडली आहे. त्यामुळे महाराष्ट्रातील कोरोनाबाधितांची संख्या 5 हजार 649 वर पोहोचली आहे. मुंबईत कोरोनाबाधितांचा आकडा 3 हजार 683 वर पोहोचला आहे. तर पुणे शहर आणि ग्रामीण भागात एकूण 753 कोरोनाचे रुग्ण आढळले आहेत.

दुसरीकडे 22 एप्रिलला राज्यात 18 कोरोनाबाधितांचा मृत्यू झाला (Maharashtra Corona Update) आहे. यात मुंबईत 10, पुणे 2, औरंगाबाद 2 तर कल्याण डोंबिवली, सोलापूर, जळगाव आणि मालेगावात प्रत्येकी एका रुग्णाचा कोरोनामुळे मृत्यू झाला आहे.

आज मृत्यू झालेल्या रुग्णांमध्ये 14 पुरुष आणि 4 महिलांचा समावेश आहे. यात 18 पैकी 12 रुग्णांमध्ये मधुमेह, उच्च रक्तदाब आणि हृदयरोग अशा स्वरुपाचे अतिजोखमीचे आजार आढळले. त्यामुळे कोरोनामुळे मृत्यू झालेल्या मृत्यूंची संख्या 269 वर पोहोचली आहे.

?राज्यातील एकूण कोरोना रुग्ण – 5649
?आज नवे रुग्ण – 431
?आज मृत्यू – 18 (एकूण 269)
?आज डिस्चार्ज मिळालेले रुग्ण – 67 (एकूण 789)
?मुंबईतील एकूण रुग्ण – 3683
?पुण्यातील एकूण रुग्ण (शहर+ग्रामीण) – 753 (आतापर्यंत मृत्यू- 54)

कोरोना रुग्णांची अद्ययावत आकडेवारी:

संबंधित बातम्या :

देशाच्या सर्वोच्च नागरी पुरस्कारांची घोषणा, सुरेश वाडकर, राहीबाई पोपेरे यांना पद्मश्री

मुंब्र्यात तब्लिगींवर मोठी कारवाई, 25 जण अटकेत, मलेशिया, बांगलादेशींचा समावेश

ड्युटीवरील पोलिसाला कोरोना झाल्यास 10 हजार रुपयांची मदत, वरिष्ठ अधिकाऱ्यांचा पुढाकार

Rahibai Popare advice for immunity system